រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម អ៊ុយ រី អញ្ជើញចុះសួរចុះ និងនាំយកគ្រឿងឧបភោគបរិភោគចែកជូនដល់កងកម្លាំងឈរជើងនៅតាមបន្ទាត់ព្រំដែនកម្ពុជា-ថៃក្នុងស្រុកកំរៀង និងស្រុកសំពៅលូន ខេត្តបាត់ដំបង

ដោយ Sotheavyចំនួនទស្សនា (457)

នៅថ្ងៃពុធ ១រោច ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៨ ខែមេសា ឆ្នាំ២០២០ ឯកឧត្តម អ៊ុយ រី ប្រធានក្រុមប្រឹក្សាខេត្ត និងថ្នាក់ដឹកនាំខេត្ត មន្ទីរ អង្គភាពជុំវិញខេត្ត បាមអញ្ជើញចុះសួរទុក្ខ កងកម្លាំង ដែលឈរជើងនៅព្រំដែនស្រុកកំរៀង និងស្រុកសំពៅលូន និងបាននាំយកគ្រឿងឧបភោគបរិភោគ ដែលជាអំណោយរបស់រដ្ឋបាលខេត្ត និងសប្បុរជននានាក្នុងខេត្ត ចែកជូកដល់កម្លាំងដែលឈរជើងនៅស្រុកចំនួន ២ ខាងនេះ ក្នុងនាមសម្ព័ន្ធមេត្រីភាព និងដើម្បីផ្សាភ្ជាប់រវាងសមរភូមិមុខ និងសមរភូមិក្រោយ ក្នុងឱកាសមុនបុណ្យចូលឆ្នាំខ្មែរប្រពៃណីជាតិនាពេលដ៏ខ្លីខាងមុខនេះ។

ឯកឧត្តម អ៊ុយ រី បានរៀបរាប់ក្នុងពិធីជួបសំណេះសំណាលនេះថា ជារៀងរាល់ឆ្នាំនារដូវបុណ្យទានដូចជាបុណ្យភ្ជំបិណ្ឌ បុណ្យចូលឆ្នាំខ្មែរប្រពៃណីជាតិ និងក្នុងឱកាសផ្សេងៗទៀតជាដើម រដ្ឋបាលខេត្តបាត់ដំបង មានមន្រ្តីរាជការសប្បុរសជន តំណាងក្រុមហ៊ុននានា តែងតបាននាំអំណោយចុះសួរសុខទុក្ខដល់កងកម្លាំងប្រដាប់អាវុធគ្រប់អង្គភាពដែលឈរជើងនៅតាមបន្ទាត់ព្រំដែនកម្ពុជា-ថៃ ដែលបានលះបង់ពេលវេលានៅឆ្ងាយពីក្រុមគ្រួសារ ដើម្បីបំពេញបេសកកម្មការពារទឹកដី បម្រើជាតិនិងប្រជាជនជាប្រចាំនៅតាមគោលដៅរបស់ខ្លួន។

ឯកឧត្តមប្រធានក្រុមប្រឹក្សាបានបញ្ជាក់ថា កងកម្លាំងដែលត្រូវបានចុះសួរសុខទុក្ខមាន៥អង្គភាពរួមមាន: វរៈសេនាតូចនគរបាលការពារព្រំដែនគោកលេខ៨១៩ (ស្រុកកំរៀង)និងវរៈសេនាតូចនគរបាលការពារព្រំដែនគោកលេខ ៨១៧(ស្រុកសំពៅលូន) កម្លាំងសឹករងស្រុក, មូលដ្ឋានកងរាជអាវុធហត្ថស្រុក,និងអធិការដ្ឋាននគរបាលស្រុក។

ឯកឧត្តមបានបន្តថា គ្រឿងឧបភោគបរិភោគដឺលត្រូវចែកជូនមាន: ស្រាបៀ ទឹកសុទ្ធ សាច់ជ្រូកស្រស់ នំអន្សម ទឹកក្រូច មី និងថវិកាមួយចំនួននៅតាមអង្គភាពនីមួយៗផងដែរ។

កងកម្លាំងដែលត្រូវបានទទួលអំណោយទាំងនេះ បានថ្លែងអំណរគុណយ៉ាងកក់ក្តៅបំផុត ចំពោះថ្នាក់ដឹកនាំខេត្តនិងសប្បុរសជនតែងតែគិតគូយកចិត្តទុកដាក់ដល់កងកម្លាំងយើងខ្ញុំទាំងអស់គ្នារហូតមក ជាពិសេសសមរភូមិក្រោយនិងសមរភូមិមុខបានផ្សារភ្ជាប់គ្នាកន្លងមក នេះសបញ្ជាក់ឲ្យឃើញថា យើងទាំងអស់គ្នា គឺធ្វើអ្វីៗដើម្បីបុព្វហេតុជាតិមាតុភូមិខ្មែរតែមួយទើបមានសុខសន្តិភាពបានយូអង្វែង តដល់កូនចៅជំនាន់ក្រោយបន្តទៀតផងដែរ។

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 1 ថ្ងៃមុន