ព្រឹកថ្ងៃសៅរ៍ ៨កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី១៧ ខែកុម្ភៈ ឆ្នាំ២០២៤ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល នៃគណៈអភិបាលខេត្ត បានអញ្ជើញជាអធិបតីភាព ក្នុងពិធីបើកសម្ពោធជាផ្លូវការសាខាទី២ នៃផ្សារ គ្លូប៊ល ហៅស៍ លើទឹកដីខេត្តបាត់ដំបង ដែលជាខេត្តដ៏មានសកត្តានុពលរបស់កម្ពុជា។
ផ្សារ គ្លូប៊ល ហៅស៍ សាខាខេត្តបាត់ដំបងនេះជាការវិនិយោគរួមគ្នារវាងក្រុមហ៊ុន សាយ៉ាម គ្លូប៊ល ហៅស៍ ចំកាត់ ជាមួយក្រុមហ៊ុន LYP Group ក្នុងទំហំទុនវិនិយោគសរុប ១៦ លានដុល្លារអាមេរិក។
ផ្សារ គ្លូប៊ល ហៅស៍ សាខាខេត្តបាត់ដំបង មានទីតាំងស្ថិតនៅភូមិអង់ សង្កាត់អូចារ ក្រុងបាត់ដំបង (ផ្លូវវាងក្រុង តាមរង្វង់មូលលោកយាយទេព ទៅរង្វង់មូលនាងរំសាយសក់)។