នៅរសៀលថ្ងៃព្រហស្បតិ៍ ៥កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែមករា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំកិច្ចប្រជុំ ពិភាក្សាការងារ ការសិក្សាផែនការសម្រាប់ការអភិវឌ្ឍទីក្រុងឆ្លាត Smart City ក្នុងក្រុងបាត់ដំបង ជាមួយនឹងក្រុមហ៊ុន YACHIYO ENGINEERING Co.,Ltd នៅឯសាលប្រជុំសាលាខេត្តបាត់ដំបង ។
ឯកឧត្តម បានបន្តដឹកនាំក្រុមការងារចុះពិនិត្យមើលវឌ្ឍនភាពនៃការសាងសង់វិមានឯករាជ្យ ការកែលម្អច្រាំងស្ទឹងសង្កែ ការរៀបចំផ្លូវដើរ ផ្លូវសម្រាប់ជិះកង់ និងការរៀបចំកែលម្អតំបន់ជុំវិញរូបសំណាកលោកតាដំបងគ្រញូង ក្រុងបាត់ដំបង ។