នៅព្រឹកថ្ងៃពុធ៤កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៥ ខែមករា ឆ្នាំ២០២៣ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញជាអធិបតីភាព ក្នុងពិធីក្រុងពាលីបួងសួងសុំសេចក្ដីសុខ ដើម្បីធ្វើការរៀបចំជួសជុល លាបថ្នាំពណ៌រូបសំណាកលោកតាដំបងក្រញូង និងការសាងសង់ទីតាំងចំណតរថយន្ត នៅតំបន់រូបសំណាកលោកតាដំបងក្រញូង ក៏ដូចជាសាងសង់ហេដ្ឋារចនាសម្ព័ន្ធនៅជុំវិញរូបលោកតាដំបងក្រញូង ដើម្បីលើកសម្រស់រូបសំណាកលោកតាដំបងក្រញូង ឱ្យកាន់តែមានភាពស្រស់ស្អាត ទាក់ទាញ និងកាន់តែមានរបៀបរៀបរយផងដែរ ៕