នាព្រឹកថ្ងៃអង្គារ ៤រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១០ ខែមករា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញផ្ដល់កិច្ចសម្ភាសន៍ជាមួយក្រុមការងាររបស់ទូរទស្សន៍ជាតិកម្ពុជា ក្រោមប្រធានបទស្ដីពី "ខេត្តបាត់ដំបង រួមគ្នាអភិវឌ្ឍន៍មូលដ្ឋាន ឈានឆ្ពោះទៅកាន់ការបោះឆ្នោតឆ្នាំ២០២៣" ក្នុងកម្មវិធី "ទឹកដី និងមនុស្ស" ដែលជាកម្មវិធីឆ្លុះបញ្ចាំងពីការរីកចម្រើននៃវិស័យសេដ្ឋកិច្ច ទេសចរណ៍ វប្បធម៌ និងការអភិវឌ្ឍរដ្ឋបាលខេត្តថ្នាក់មូលដ្ឋាន ក្រោមយុទ្ធសាស្រ្ដចតុកោណរបស់រាជរដ្ឋាភិបាលកម្ពុជា ៕