ឯកឧត្តម សុខ លូ អនុញ្ញាតទទួលជួបទីប្រឹក្សាគម្រោងច្រកចេញចូលតែមួយសម្រាប់ពលរដ្ឋ (OW4C) នៅរសៀលថ្ងៃចន្ទ ១២រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី ២៨ ខែកុម្ភ: ឆ្នាំ ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង អនុញ្ញាតទទួលជួបលោកបណ្ឌិត សំ ចាន់ធី ទីប្រឹក្សាគម្រោងច្រកចេញចូលតែមួយសម្រាប់ពលរដ្ឋ(OW4C) ដើម្បីពិភាក្សាការងារ ប្រមូលព័ត៌មានពីការរីកចម្រើនរបស់ច្រកចេញចូលតែមួយ ការឆ្លើយតប និងដោះស្រាយបញ្ហាដែលប្រជាពលរដ្ឋដែលបានលើកឡើង ដើម្បីធ្វើអោយការផ្តល់សេវារបស់ច្រកចេញចូលតែមួយកាន់តែមានប្រសិទ្ធភាព ។ គម្រោងច្រកចេញចូលតែមួយសម្រាប់ពលរដ្ឋ (OW4C) បានរួមគ្នាអនុវត្តដោយក្រុមហ៊ុនNickol Global Solutions អង្គការInSTEDD និងអង្គការវិទ្យាស្ថានតស៊ូមតិ និងគោលនយោបាយ (API) ដោយគម្រោងមានគោលបំណងផ្សារភ្ជាប់ជាមួយប្រជាពលរដ្ឋ ទៅនឹងព័ត៌មានប្រកបដោយតម្លាភាព សុក្រឹតភាព និងត្រឹមត្រូវរបស់សេវាការិយាល័យច្រកចេញចូលតែមួយ រួមទាំងលើកកម្ពស់កិច្ចសន្ទនារវាងប្រជាពលរដ្ឋ និងការិយាល័យច្រកចេញចូលតែមួយ តាមរយៈវេទិកាសាធារណៈ និងកម្មវិធីបច្ចេកវិទ្យា ដើម្បីធ្វើឲ្យប្រសើរឡើងនូវសេវាសាធារណៈ ដែលផ្ដល់ដោយការិយាល័យច្រកចេញចូលតែមួយប្រកបដោយគុណភាព គណនេយ្យភាព និងតម្លាភាព ៕