រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលខេត្តបាត់ដំបង បានរៀបចំវេទិការស្តីពីភាពជាដៃគូរវាងរដ្ឋបាលខេត្ត និងអង្គការសង្គមស៊ីវិល នៅសាលាខេត្តបាត់ដំបង

ដោយ Sotheavyចំនួនទស្សនា (453)

នៅព្រឹកថ្ងៃអង្គារ៍ ៨កើត ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២២ ខែធ្នូ ឆ្នាំ២០២០ ឯកឧត្តម អ៊ុយ រី ប្រធានក្រុមប្រឹក្សាខេត្ត និងលោក យឹម សៀប អភិបាលរង នៃគណៈអភិបាលខេត្ត បានអញ្ជើញជាអធិបតីភាពក្នុងអង្គវេទិកាស្តីពីភាពជាដៃគូរវាងរដ្ឋបាលខេត្តបាត់ដំបង និងអង្គការសង្គមស៊ីវិល នៅសាលាខេត្តបាត់ដំបង ។

នៅក្នុងអង្គវេទិការមានការអញ្ជើញចូលរួមពី លោក លោកស្រី ប្រធាន អនុប្រធាន មន្ទីរ អង្គភាពនានាជុំវិញខេត្ត លោក លោកស្រី អភិបាល អភិបាលរង ក្រុង ស្រុកនិងតំណាងអង្គការ សមាគម សង្គមស៊ីវិលជាច្រើនផងដែរ។

លោក យឹម សៀប បានថ្លែងថា បច្ចុប្បន្ន រដ្ឋបាលខេត្តបាត់ដំបង មានសមាគម អង្គការជាតិ និងអន្តរជាតិមិនប្រមាណជាង ៣៧២ អង្គភាព បាននឹងកំពុងប្រតិបត្តិការសកម្មភាពរបស់ខ្លួន ដោយអនុវត្តលើវិស័យ កសិកម្ម វិស័យសុខាភិបាល សិទ្ធិមនុស្ស អប់រំ វប្បធម៌ ទេសចរណ៍ បរិស្ថាន សង្គមកិច្ច កសិឧស្សាហកម្ម និងកិច្ចការសាសនាផងដែរ។

លោក អភិបាលរង នៃគណៈអភិបាលខេត្ត បានបន្តទៀតថា អង្គការ សមាគមមួយចំនួនធំ មានកិច្ចសហប្រតិបត្តិការ និងរក្សាទំនាក់ទំនងល្អជាមួយរដ្ឋបាលខេត្ត បើទោះបីជាគោលការណ៍ណែនាំរបស់ក្រសួងមហាផ្ទៃមិនតម្រូវឱ្យមានការជូនដំណឹងដល់អាជ្ញាធរមូលដ្ឋានមុនពេលចាប់ផ្តើមធ្វើសកម្មភាពរបស់ខ្លួនក៏ដោយ ។

លោក យឹម សៀប គូសបញ្ជាក់បន្ថែមទៀតថា អង្គការសមាគមខ្លះ បានប្រើប្រាស់រូបភាពជាអង្គការ សមាគម តែធ្វើសកម្មភាពជាស្ថាប័នមីក្រូហិញ្ញវត្ថុ ដោយយកការប្រាក់ខ្ពស់ ដែលជាហេតុធ្វើឱ្យប៉ះពាល់ដល់ជីវភាពរស់នៅប្រចាំថ្ងៃរបស់ប្រជាពលរដ្ឋផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 5 ម៉ោងមុន