នៅថ្ងៃពុធ ១៣ កើត ខែអស្សុជ ឆ្នាំជូត ទោស័ក ពស ២៥៦៤ ត្រូវនឹងថ្ងៃទី៣០ ខែកញ្ញា ឆ្នាំ២០២០ លោក ឆាយ ម៉ាទីណល់ អភិបាលរង នៃគណៈអភិបាលខេត្ត តំណាងខ្ពង់ខ្ពស់ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានដឹកនាំកិច្ចប្រជុំប្រចាំត្រីមាសទី៣ របស់កម្មវិធី ASPIRE នៅសាលាខេត្តបាត់ដំបង ដែលមានការអញ្ជើញចូលរួម អស់លោក លោកស្រី តំណាងមន្ទីរ លោកអភិបាល អភិបាលរងស្រុកគោលដៅគោល និងអ្នកពាក់ព័ន្ធមួយចំនួនទៀត។
សូមជម្រាបជូនដែរថា ដឹកនាំកិច្ចប្រជុំប្រចាំត្រីមាសទី៣ កម្មវិធី ASPIRE ដើម្បីពិនិត្យវឌ្ឍនភាព បញ្ហាប្រឈម នៃការអនុវត្តគម្រោងមូលនិធិឃុំ ស្រុក គោលដៅ ពិនិត្យវឌ្ឍនភាព បញ្ហាប្រឈម នៃការអនុវត្តថវិកាប្រតិបត្តិការឆ្នាំ២០២០ របស់កម្មវិធី ASPIRE និងដើម្បីពិភាក្សារៀបចំផែនការសកម្មភាពបន្ត ៕
