នៅព្រឹកថ្ងៃចន្ទ ១៤កើត ខែស្រាពណ៌ ឆ្នាំជូត ទោស័កព.ស ២៥៦៤ ត្រូវនឹងថ្ងៃទី០៣ ខែសីហា ឆ្នាំ២០២០ លោកស្រី សុំ ចិន្តា អភិបាលរង នៃគណៈអភិបាលខេត្ត អញ្ជើញជាអធិបតីភាពក្នុងពិធីសិក្ខាផ្សព្វផ្សាយស្តីពីរំលឹកឡើងវិញអំពី ការថែទាំជំនួស អំពីសិទ្ធិរបស់កុមារ កិច្ចការពារកុមារ ការចូលរួមរបស់កុមារក្នុងកិច្ចការពារ ការងារជួញដូរមនុស្ស ទេសន្តរប្រវេស្ត និងការផ្សព្វផ្សាយអំពីវគ្គបណ្តុះបណ្តាលផ្សេងៗ នៅសាលាស្រុកបវេល និងសាលាស្រុកថ្មគោល ខេត្តបាត់ដំបង នៅក្នុងសិក្ខាសាលាក៏មានការអញ្ជើញចូលរួមជាវាគ្មិនពី លោក មាស ដារ៉ា ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត លោកនាយរងការិយាល័យប្រឆាំងការជួញដូរមនុស្ស នៃស្នងការដ្ឋាននគរបាលខេត្ត និងការពារអនីតិជន ការិយាល័យសុខមាលភាពសង្គម នៃមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្ត និងមានការអញ្ជើញចូលរួមពីអាជ្ញាធរភូមិ ឃុំ សមាជិក គណៈកម្មាធិការទទួលកិច្ចស្ត្រី និងកុមារផងដែរ៕