រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ពិធីបើកការប្រកួតកីឡាបាល់ទាត់ក្របខ័ណ្ឌថ្នាក់ស្រុក ឃុំ កម្រិតយុវជនអាយុក្រោម ២៣ឆ្នាំ ដណ្តើមពានរង្វាន់ប្រាក់លាន នៅសាលាបឋមសិក្សាតាគ្រាម ស្រុកបាណន់ ខេត្តបាត់ដំបង

ដោយ Sotheavyចំនួនទស្សនា (713)

នៅព្រឹកថ្ងៃព្រហស្បតិ៍ ១២កើត ខែអាសាឍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០២ ខែកក្កដា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង និងឯកឧត្តម ឃុន សំបូរ ប្រធានក្រុមការងាររាជរដ្ឋាភិបាល ចុះមូលដ្ឋានឃុំតាគ្រាម បានអញ្ជើញជាអធិបតីភាពក្នុងពិធីបើកការប្រកួតកីឡាបាល់ទាត់ក្របខ័ណ្ឌថ្នាក់ស្រុក ឃុំ កម្រិតយុវជនអាយុក្រោម ២៣ឆ្នាំ ដណ្តើមពានរង្វាន់ប្រាក់លាន ប្រារព្ធធ្វើនៅសាលាបឋមសិក្សាតាគ្រាម ស្ថិតនៅក្នុងឃុំតាគ្រាម ស្រុកបាណន់ ខេត្តបាត់ដំបង ដែលមានការអញ្ជើញចូលរួមពី ឯកឧត្តម លោកជំទាវ ប្រធាន អនុប្រធាន សមាជិក ក្រុមការងាររាជរដ្ឋាភិបាល ចុះមូលដ្ឋានឃុំតាគ្រាម លោកអភិបាលស្រុក អាជ្ញាធរមូលដ្ឋាន និងប្អូនៗកីឡាករជាច្រើនរូបទៀត ។

លោក អ៊ឹម ប៊ុនយូ ប្រធានក្រុមប្រឹក្សាឃុំតាគ្រាម បានអានរបាយការណ៍ស្វាមគមន៍ និងជម្រាបជូនអំពីលក្ខខ័ណ្ឌនៃការប្រតួតបាល់ទាត់ ដើម្បីជម្រុះដណ្តើមពានរង្វាន់។

ឯកឧត្តម ងួន រតនៈ បានកោតសរសើរចំពោះក្រុមការងាររាជរដ្ឋាភិបាលចុះមូលដ្ឋានឃុំ ដែលបានរៀបចំកម្មវិធីកីឡាករនានាក្នុងឃុំ និងបានឱ្យយុវជនចូលរួមលែងកីឡាករ ដើម្បីបង្កើនមិត្តភាព សុខភាព និងបានជៀសផុតឆ្ងាយពីគ្រឿងញៀនផងដែរ។

ឯកឧត្តម ងួន រតនៈ ក៏បានផ្តាំផ្ញើដល់ក្មួយៗកីឡាករ និងអង្គពិធីទាំងមូល សូមចូលរួមទប់ស្កាត់ជំងឺកូវីដ ១៩ ដោយស្តាប់តាមការណែនាំរបស់ក្រសួងសុខាភិបាល ពីព្រោះថាជំងឺកូវីដ ១៩ មិនទាន់រលាយសាបសូន្យនៅឡើយទេ ហើយបច្ចុប្បន្នប្រទេសកម្ពុជាយើងក៏មានការឆ្លងរីករាលដាលជាថ្មីទៀត ដូច្នេះសូមក្មួយៗលាងសម្អាតដៃឱ្យបានញឹកញាប់ និងធ្វើដំណើរទៅទីសាធារណៈផ្សេងៗត្រូវពាក់ម៉ាសឱ្យបានគ្រប់ៗផងដែរ។

សូមជម្រាបជូនដែរថាកីឡាករដែលចូលរួមក្នុងការប្រកួតមានចំនួន ៦ ក្រុម ដែលមានកីឡាករមកស្រុកសង្កែ ១ក្រុម ស្រុកឯកភ្នំ ១ក្រុម និងក្នុងស្រុកបាណន់ ចំនួន ៤ ក្រុមផងដែរ ហើយការប្រកួតនោះក្នុងគោលបំណងលើកកម្ពស់វិស័យកីឡានៅមូលដ្ឋាន ក៏ដូចជាការលើកទឹកចិត្តឱ្យប្អូនៗសិស្សានុសិស្សស្រលាញ់កីឡាចូលរួមហ្វឹកហាត់ទាងអស់គ្នា ដើម្បីសុខភាពល្អ ទាំងផ្លូវកាយ និងផ្លូវអារម្មណ៍ស្មារតីផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 4 ថ្ងៃមុន