នៅព្រឹកថ្ងៃព្រហស្បតិ៍ ៥លើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៥ ខែមិថុនា ឆ្នាំ២០២០ ឯកឧត្តម សូ ខនរិទ្ធីគុណ រដ្ឋលេខាធិការក្រសួងបរិស្ថាន ឯកឧត្តម ជា សំអាង អនុរដ្ឋលេខាធិការនិងលោក សឿម ប៊ុនរិទ្ធិ អភិបាល នៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម ងួន រតនៈ អភិបាល នៃគណៈអភិបាលខេត្ត បានដឹកនាំកិច្ចប្រជុំពិភាក្សាដោះស្រាយបញ្ហាដីធ្លីក្នុងតំបន់ប្រើប្រាស់ច្រើនយ៉ាងសំឡូត ខេត្តបាត់ដំបង ។

នៅក្នុងកិច្ចប្រជុំពិភាក្សានោះដែលក៏មានការអញ្ជើញចូលរួមពី លោកនាយករងរដ្ឋបាលខេត្ត លោកនាយកស្តីទី ទីចាត់ការអន្តរវិស័យ លោក ប្រធាន អនុប្រធាន មន្ទីរបរិស្ថានខេត្ត លោកប្រធានមន្ទីររៀបចំដែនដី នគរូបនីកម្ម សំណង់ និងសុរិយោដីខេត្ត អស់លោកគណៈប្រតិភូក្រសួង និងអ្នកពាក់ព័ន្ធមួយចំនួនទៀត៕