រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

លោក សឿម ប៊ុនរិទ្ធិ ដឹកនាំកិច្ចប្រជុំពិភាក្សាការងារពាក់ព័ន្ធនឹងគម្រោងស្នើសុំអនុញ្ញាតសាងសង់ដែលមានប្លង់បច្ចេកទេសស្ថាបត្យកម្ម ចំនួន ៣ ទីតាំងផ្សេងៗគ្នា

ដោយ Sotheavyចំនួនទស្សនា (327)

នៅព្រឹកថ្ងៃចន្ទ ១១កើត ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០១ ខែមិថុនា ឆ្នាំ២០២០ លោក សឿម ប៊ុនរិទ្ធិ អភិបាលរង នៃគណៈអភិបាលខេត្ត ដឹកនាំកិច្ចប្រជុំពិភាក្សាការងារពាក់ព័ន្ធនឹងគម្រោងស្នើសុំអនុញ្ញាតសាងសង់ដែលមានប្លង់បច្ចេកទេសស្ថាបត្យកម្ម ដែលមានការអញ្ជើញចូលរួមពីប្រធាន អនុប្រធាន មន្ទីររៀបចំដែនដី នគរូបនីយកម្ម សំណង់ និងសូរិយោដីខេត្ត នាយករងរដ្ឋបាលខេត្ត នាយកស្តីទី ទីចាត់ការដ្ឋបាលខេត្ត និងមន្ត្រីពាក់ព័ន្ធមួយចំនួនទៀត។

លោក សឿម ប៊ុនរិទ្ធិ អភិបាលរង នៃគណៈអភិបាលខេត្ត បានពន្យល់ណែនាំអំពីច្បាប់ នៃការសាងសង់ ដែលរដ្ឋបានគិតគូរម្ចាស់សំណង់ និងអាយុជីវិតមនុស្ស នៅពេលមានហនីភ័យកើតឡើងជាយថាហេតុទៅថ្ងៃអនាគតណាមួយផងដែរ។

លោកអភិបាលរង នៃគណៈអភិបាលខេត្ត ណែនាំដល់ម្ចាស់សំណង់ធ្វើការកែសម្រួលប្លង់ស្ថាបត្យកម្ម ដែលត្រូវធ្វើការសាងសង់ ត្រូវមានច្រកសម្រាប់សុវត្ថិភាព និងគម្លាតនៃព្រំដី ដើម្បីរំដោះមនុស្ស នៅមានគ្រោះអគ្គីភ័យ ដែលកើតឡើងជាយថាហេតុ ពីកន្លងមកនៅតាមបណ្តាខេត្តមួយចំនួនធ្លាប់មានករណីនេះកើតឡើងម្តងរួចមកហើយ ដូច្នេះក្នុងនាមអាជ្ញាធរខេត្ត និងមន្ទីរជំនាញ បានជួយគិតគូរម្ចាស់សំណង់ ដើម្បីឱ្យស្វែងយល់អំពីបញ្ហានេះផងដែរ។

ក្រោយពីធ្វើការប្រជុំពិភាក្សាគ្នារួច អង្គប្រជុំបានសម្រេច ឱ្យក្រុមការងាររៀបចំកិច្ចសន្យាជាមួយម្ចាស់ប្លង់ស្ថាបត្យកម្ម ដើម្បីការកែសម្រួល និងការទទួលខុសត្រូវទៅថ្ងៃអនាគត ចំពោះមុខច្បាប់ ប្រសិនបើមានបញ្ហាអ្វីកើតឡើង ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 29 នាទីមុន