នៅព្រឹកថ្ងៃសៅរ៍ ៩រោច ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី៩ ខែកញ្ញា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងលោកជំទាវ បានអញ្ជើញប្រគេនទេយ្យទាន គ្រឿងឧបភោគបរិភោគ រួមទាំងបច្ច័យមួយចំនួនដល់ព្រះសង្ឃដែលគង់នៅវត្តឯករង្សី ស្ថិតនៅភូមិព្រែកនរិន្ទ ឃុំព្រែកនរិន្ទ ស្រុកឯកភ្នំ។ បន្ទាប់មកឯកឧត្តម និងលោកជំទាវបានបន្តអញ្ជើញសំណេះសំណាល និងរៀបចំអាហារសាមគ្គីជូនដល់ លោកគ្រូ អ្នកគ្រូ កុមារគថ្លង់ នៅសាលាអប់រំពិសេសខេត្តបាត់ដំបង ៕