រដ្ឋបាលខេត្តបាត់ដំបង

Battambang Administration
ស្វែងរក

សម្តេចក្រឡាហោម ស ខេង បានផ្តល់ម៉ាស ចំនួន ២៤ ម៉ឺនបន្ទះ អាល់កុល ៩៦០ លីត្រ សាប៊ូដុំ ១ ម៉ឺន ៦ ពាន់ ដុំនិងឧបករណ៍ស្ទង់កម្តៅ ៧៤ ដល់រដ្ឋបាលក្រុង ស្រុក ក្នុងខេត្តបាត់ដំបង ដើម្បីធ្វើការផ្សព្វផ្សាយបង្ការ និងទប់ស្កាត់ជំងឺកូវិដ ១៩ នៅមូលដ្ឋានក្រុង ស្រុក

  • 1.2ពាន់
  • ដោយ Sotheavy

នៅព្រឹកថ្ងៃពុធ ៨រោច ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៥ ខែមេសា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្ត បានប្រគល់ម៉ាស ចំនួន ២៤ ម៉ឺន អាល់កុល ៩៦០ លីត្រ សាប៊ូដុំ ១ ម៉ឺន ៦ ពាន់ ដុំ និងឧបករណ៍ស្ទង់កម្តៅ ៧៤ ដែលជាអំណោយដល់ថ្លៃថ្លាររបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ និងលោកជំទាវ ញ៉ែម សាខន ស ខេង ចែកជូនដល់ក្រុង ស្រុក ទាំង១៤ ក្នុងខេត្តបាត់ដំបង ដើម្បីចូលរួមក្នុងផ្សព្វផ្សាយ បង្ការទប់ស្កាត់ ជំងឺកូវិដ ១៩ នៅតាមមូលដ្ឋាន ។

ពិធីប្រគល់ទទួលនេះធ្វើការសាលាខេត្តបាត់ដំបង ដែលមានការអញ្ជើញចូលរួមពី លោកអភិបាល អភិបាលរង ក្រុង ស្រុក នាយករដ្ឋបាលខេត្ត និងមន្ត្រីពាក់ព័ន្ធជាច្រើនរូបទៀត ។

ឯកឧត្តម ងួន រតនៈ ក៏បានថ្លែងអំណរគុណចំពោះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ និងលោកជំទាវ ញ៉ែម សាខន ស ខេង ដែលតែងតែគិតគូយកចិត្តដាក់ ចំពោះរដ្ឋបាលខេត្ត ក្រុង ស្រុក ក្នុងយុទ្ធនាការផ្សព្វផ្សាយទប់ស្កាត់ការរីករាតត្បាតជំងឺកូវីដ១៩ នៅតាមមូលដ្ឋានក្រុង ស្រុកនាពេលនេះ ។

ឯកឧត្តម អភិបាល នៃគណៈអភិបាលខេត្ត ក៏បានបញ្ជាក់បន្ថែមទៀតថា កន្លងមកសម្តេចបានយកចិត្តទុក ខ្ពស់អំពីការផ្សព្វផ្សាយ ការទប់ស្កាត់ ការរីករាលដាលជំងឺកូវិដ ១៩ បានផ្តល់ជាអំណោយនូវអង្ករ ចំនួន ២៨ និងសាប៊ូ ២៨ កេស និងបានអញ្ជើញចុះសួរសុខបងប្អូនកម្លាំងតាមបន្ទាត់ព្រំកម្ពុជា-ថៃផងដែរ៕

អត្ថបទទាក់ទង