នៅព្រឹកថ្ងៃអង្គារ ១០កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ខែមីនា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង អញ្ជើញចុះពិនិត្យការលាងសម្អាតផ្លូវថ្នល់ក្នុងក្រុងបាត់ដំបង របស់ក្រុមហ៊ុន Khmer Beverages នៅក្នុងក៏ការអមដំណើរដោយលោកនាយករដ្ឋបាលខេត្ត លោកអភិបាល អភិបាលរង ក្រុង ប្រធានអង្គភាពរដ្ឋាករទឹកបាត់ដំបង ។
ឯកឧត្តម ងួន រតនៈ បានថ្លៃងអំណរគុណចំពោះក្រុមហ៊ុន Khmer Beverages ដែលតែងតែជួយសម្អាតផ្លូវថ្នល់ក្នុងក្រុងបាត់ដំបងកន្លងមក នេះបានស្តែងចេញពីការចូលរួមចំណែកក្នុងកែលម្អរសោភណ្ឌភាព បរិស្ថានល្អក្រុងបាត់ដំបង ជាពិសេសបានជួយលើកមុខមាត់ក្រុងបាត់ដំបង ឱ្យកាន់ស្រស់បំព្រងបន្ថែមទៀតផងដែរ ។
ឯកឧត្តម ក៏បានសំណូមពរឱ្យក្រុមហ៊ុន Khmer Beverages បន្តជួយលាងសម្អាតផ្លូវថ្នល់ក្នុងក្រុងបាត់ដំបងបន្តទៀត ជាពិសេសនាពេលនេះ រដ្ឋបាលខេត្តបាត់ដំបង បានធ្វើទទួលរៀបចំពិធីបុណ្យទន្លេក្រុងបាត់ដំបងឆាប់នេះផងដែរ។
នៅក្នុងនេះដែរ ឯកឧត្តម អភិបាល នៃគណៈអភិបាលខេត្ត ណែនាំដល់លោកប្រធានអង្គភាពរដ្ឋាករទឹកត្រូវចិត្តទុកដាក់សម្អាតអាងទឹកសួននាគរបាញ់ឱ្យបានស្អាតផងដែរ។
សូមបញ្ជាក់បន្ថែមទៀតថា៖ ខេត្តបាត់ដំបង នឹងរៀបចំពិធីបុណ្យទន្លេលើកទី៦ ក្រោមប្រធានបទ ទន្លេនៃសន្តិភាព និងទន្លេនៃវិបុលភាព ដែលមានរយៈពេល៣ថ្ងៃ ចាប់ពីថ្ងៃទី១៣ ដល់ថ្ងៃទី១៥ ខែមីនា ឆ្នាំ២០២០ខាងមុខឆាប់ៗនេះ ហើយព្រឹត្តិការណ៍នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន នឹងអញ្ជើញជាអធិបតីដ៏ខ្ពង់ខ្ពស់ពិធីបើកបុណ្យទន្លេនេះផងដែរ៕
![](https://asset.cambodia.gov.kh/provincial/2020/03/IMG_6457-1024x683.jpg)
![](https://asset.cambodia.gov.kh/provincial/2020/03/IMG_6459-1024x683.jpg)
![](https://asset.cambodia.gov.kh/provincial/2020/03/IMG_6465-1024x683.jpg)
![](https://asset.cambodia.gov.kh/provincial/2020/03/IMG_6470-1024x683.jpg)
![](https://asset.cambodia.gov.kh/provincial/2020/03/IMG_6467-1024x683.jpg)
![](https://asset.cambodia.gov.kh/provincial/2020/03/IMG_6468-1024x683.jpg)
![](https://asset.cambodia.gov.kh/provincial/2020/03/IMG_6460-1024x683.jpg)
![](https://asset.cambodia.gov.kh/provincial/2020/03/IMG_6476-1024x683.jpg)
![](https://asset.cambodia.gov.kh/provincial/2020/03/IMG_6478-1024x683.jpg)