នៅរសៀលថ្ងៃចន្ទ ២រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១០ ខែកុម្ភៈ ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានដឹកនាំកិច្ចប្រជុំតម្រង់ទិសរៀបចំបទអន្តរាគមន៍ត្រៀមសម្រាប់ធ្វើបទបង្ហាញ សន្និបាតបូកសរុបលទ្ធផលការងារប្រចាំឆ្នាំ២០១៩ និងលើកទិសដៅការងារឆ្នាំ២០២០ របស់រដ្ឋបាលខេត្តបាត់ដំបង ដែលាមានការអញ្ជើញចូលរួមកិច្ចប្រជុំពីអភិបាលរងខេត្ត លោកនាយក នាយករងរដ្ឋបាលខេត្ត លោកប្រធាន អនុប្រធាន មន្ទីរ អង្គភាពជុំវិញខេត្ត និងលោក នាយក នាយករង ទីចាត់ការ អង្គភាពចំណុះសាលាខេត្ត។
ឯកឧត្តម ងួន រតនៈ បានណែនាំដល់មន្ទីរអង្គភាពទាំងអស់ត្រូវរៀបចំបទអន្តរាគមន៍របស់ខ្លួន ដើម្បីធ្វើការដាក់បង្ហាញមុនថ្ងៃរៀបចំសន្និបាត និងយកបទអន្តរាគមន៍សំខាន់ៗមួយចំនួនទៀតធ្វើបបទអន្តរាគមន៍នៅថ្ងៃរៀបចំសន្និបាតខេត្ត ដើម្បីអំពីការអនុវត្តមុខងារ តួនាទីភារកិច្ច បញ្ហាប្រឈមនានា និងសំណូមពរ ដើម្បីយកធ្វើផែនការបន្តសម្រាប់អនុវត្តក្នុងឆ្នាំ២០២០នេះផងដែរ។
សូមជម្រាបជូនដែរថា រដ្ឋបាលខេត្តបាត់ដំបង គ្រោងនឹងរៀបចំពិធីសន្និបាតបូកសរុបលទ្ធផលការងារប្រចាំឆ្នាំ២០១៩ និងទិសដៅការងារឆ្នាំ២០២០ របស់រដ្ឋបាលខេត្តបាត់ដំបង នៅថ្ងៃទី២៥-២៦ ខែកុម្ភៈ ឆ្នាំ២០២០ ខាងមុខនេះ៕
![](https://asset.cambodia.gov.kh/provincial/2020/02/photo_2020-02-10_16-55-05-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-11-4-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-06-4-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-10-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-06-3-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-11-3-1-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-05-2-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-11-2-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-06-2-1024x646.jpg)
![](https://asset.cambodia.gov.kh/provincial/2020/02/photo_2020-02-10_16-55-06-1024x646.jpg)