រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ពិធីផ្តល់អំណោយមួកសុវត្តិភាពដល់សិស្សានុសិស្ស និងលោកគ្រូ អ្នកគ្រូ មាតាបិតា អាណាព្យាបាលសិស្សចំនួន១២៣៨ នាក់ នៅសាលាបឋមសិក្សាអន្លង់វិល ស្រុកសង្កែ ខេត្តបាត់ដំបង

ដោយ Sotheavyចំនួនទស្សនា (360)

រសៀលថ្ងៃព្រហស្បតិ៍ ១រោច ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែធ្នូ ឆ្នាំ២០១៩ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ចើញចូលរួមក្នុងពិធីផ្តល់អំណោយមួកសុវត្តិភាពដល់សិស្សានុសិស្ស និងលោកគ្រូ អ្នកគ្រូ ក្រោមអធិបតីភាព លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការគណៈកម្មាធិការជាតិសុវត្តិភាពចរាចរណ៍ផ្លូវគោក នៅសាលបឋមសិក្សាអន្លង់វិល ស្ថិតក្នុងឃុំអន្លង់វិល ស្រុកសង្កែ ខេត្តបាត់ដំបង ។

ពិធីនេះផងដែរក៏មានការអញ្ចើញចូលរួមពីលោក Robert Elliott អគ្គនាយប្រតិបត្តិ និងជានាយកចាត់ចែងទូទៅក្រុមហ៊ុន មេនូឡាយហ្វ (Minulife Cambodia ) លោក សឿម ប៊ុនរិទ្ធិ អភិបាលរងខេត្តបាត់ដំបង លោក គឹម បញ្ញា នាយកអង្គការមូលនិធិបង្ការរបួសអាសុីប្រចាំកម្ពុជា លោក លោកស្រី ជាប្រធាន អនុប្រធាន មន្ទីរ អង្គភាព អជ្ញាធរ ឃុំ ស្រុក លោកគ្រូ អ្នកគ្រូ មាតា បិតា អាណាព្យាបាលសិស្ស ព្រមទាំង សិស្សានុសិស្សបានចូលរួមយ៉ាងច្រើនកុះករ ។

សូមជម្រាបដែរថា ការរៀបចំកម្មវិធីនេះឡើង ក្នុងគោលបំណងដើម្បីចូលរួមផ្សព្វផ្សាយ និងកាត់បន្ថយគ្រោះថ្នាក់ចរាចរណ៍ ព្រមទាំងជំរុញឱ្យអ្នកបើកបរទាំងអស់ពាក់មួកសុវត្តិភាពក្នុងការការពារអាយុជីវិតខ្លួនឯង និងក្រុមគ្រួសារ។ ដោយមានការឧបត្ថម្ភពីក្រុមហ៊ុន មេនូឡាយហ្វ (Minulife Cambodia ) តាមរយៈអង្គការមូលនិធិបង្ការរបួសអាសុីប្រចាំកម្ពុជា (AIP) និងមានកិច្ចសហការជាមួយក្រសួងអប់រំ យុវជន និងកីឡា គណៈកម្មាធិការជាតិសុវត្តិភាពចរាចរណ៍ផ្លូវគោក ព្រមទាំងជាមួយអាជ្ញាធរមូលដ្ឋានផងដែរ។

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 4 ថ្ងៃមុន