នៅព្រឹក ថ្ងៃ សុក្រ ១១ កើត ខែមាឃឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែកុម្ភៈ ឆ្នាំ២០១៩
អនុគណៈកម្មការសុវត្ថិភាពចរាចរណ៍ផ្លូវគោកខេត្ត ដឹកនាំដោយ ឯកឧត្តម សឿម ប៊ុនរិទ្ធ អភិបាលរងនៃគណៈអភិបាលខេត្តបាត់ដំបង បានចុះយុទ្ធនាការរឹតបន្តឹងការពាក់មួកសុវត្ថិភាពដើម្បីពញ្ញាក់ស្មារតីដល់អ្នកប្រើប្រាស់ផ្លូវឱ្យមានការប្រុងប្រយ័ត្ននៅស្រុកកំរៀងខេត្តបាត់ដំបង ដោយមានការចូលរួមពី លោកអភិបាលស្រុកកំរៀង កម្លាំងសមត្ថកិច្ចនគរបាលស្រុក កងរាជអាវុធហត្ថស្រុក លោកមេឃុំ និងមន្រ្តីលេខាធិការដ្ឋាននៃអនុគណៈកម្មាធិការសុវត្ថិភាពចរាចរណ៍ផ្លូវគោក នៅចំនុចមុខហាងលក់ម៉ូតូហុងដាពិនទី ។
ដោយក្នុងយុទ្ធនាការនេះ មានការចែកជូននូវឯកសារពាក់ព័ន្ធនឹងច្បាប់ស្តីពីសុវត្ថិភាពចរាចរណ៍ផ្លូវគោក និងការរៀបចំជាកម្មវិធីសំនួរចម្លើយ ស្តីពីច្បាប់ និងសុវត្ថិភាពចរាចរណ៍ផ្លូវគោក ។
ជាលទ្ធផលនៅក្នុងយុទ្ធនាការនេះបានចែក៖
- សៀវភៅផ្សព្វផ្សាយសញ្ញាចរាចរណ៍សំខាន់ចំនួន ១០ ក្បាល
- ស្ទិកឃ័រការពារជីវិតអ្នកកុំបើកបរហួុសល្បឿនកំណត់ចំនួន ១០០ សន្លឹក
- ប្រការសំខាន់ៗដែលអ្នកបើកបរត្រូវចងចាំចំពោះអ្នកប្រប្រាស់ផ្លូវចំនួន ២០០ សន្លឹក
- ផ្ទាំងផ្លាកសញ្ញាសម្រាប់អ្នកថ្មើជើងចំនួន ១០ សន្លឹក
- ស្លាកសញ្ញាសចរាចរណ៍ចំនួន ១០ សន្លឹក
-បទប្បញ្ញត្តិសំខាន់ៗនៃច្បាប់ស្ដីពីចរាចរណ៍ផ្លូវគោកចំនួន ២០០ សន្លឹក
-ស្ទិកឃ័របើកបរដោយសុវត្ថិភាពពាក់មួកចំនួន ២០០ សន្លឹក
-សៀវភៅ អ្វីៗដែលអ្នកបើកបរទោចក្រយានយន្តត្រូវយល់ដឹងចំនួន ១០០ ក្បាល
- ស្ទិកឃ័រការពារជីវិតអ្នកពាក់មួុកសុវត្ថិភាពឱ្យបានត្រឹមត្រូវចំនួន ២០០ សន្លឹក
- សៀវភៅច្បាប់ចរាចរណ៍ផ្លូវគោកចំនួន ៥០ ក្បាល
- មួកសុវត្ថិភាពចំនួន ៧៥ មួក (ក្នុងនោះឧបថម្ភដោយក្រុមហ៊ុន ហុងដា ពិន ទីចំនួន ៥០ មួក) ។ មានវីឌីអូរខាងក្រោម៖
