រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ


ពិធីសម្ពោធដាក់ឲ្យប្រើប្រាស់ជាផ្លូវការនូវអគារសិក្សាថ្មី១ខ្នង មាន៣បន្ទប់ បង្គន់អនាម័យ១ខ្នង មាន២បន្ទប់ ផ្លូវបេតុង

ដោយ SokMeanចំនួនទស្សនា (57)

កាលពីព្រឹកថ្ងៃសុក្រ ៤កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៨ ខែកុម្ភៈ ឆ្នាំ២០១៩  ឯកឧត្តម អ៊ុយ សុធាវី  អភិបាលរងខេត្ត ជាតំណាងឯកឧត្តម ងួន រតនៈ អភិបាលខេត្តបាត់ដំបង បានអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ជាផ្លូវការនូវអគារសិក្សាថ្មី១ខ្នង មាន៣បន្ទប់ បង្គន់អនាម័យ១ខ្នង មាន២បន្ទប់ ផ្លូវបេតុងក្នុងបរិវេណសាលា ព្រមទាំងបំពាក់នូវគ្រឿងសង្ហារឹម និងឧបទេសសិក្សាមួយចំនួន ដែលជាអំណោយ របស់លោក ប៊្រែន ឌីន ( Mr.Brain Dean) ជាសប្បុរសជនសហរដ្ឋអាម៉េរិក តាមរយៈ អង្គការ ខេមបូឌៀន វីឡេក ហ្វាន់ (Cambodian Village Fund) នៅសាលាបឋមសិក្សា បៀលណាន់ស៊ីកូនខ្លុង ស្ថិតក្នុងភូមិ កូនខ្លុង ឃុំព្រៃតូច ស្រុកមោងឬស្សី ខេត្តបាត់ដំបង។

ក្នុងពិធីសម្ពោធនេះ តំណាងម្ចាស់ជំនួយបានថ្លែងថា ពួកយើងបានបរិច្ចាគថវិកាដែលបានមកពីការកៀងគរពីសប្បុរសជននៅសហរដ្ឋអាម៉េរិក ដើម្បីបរិច្ចាគថវិកាមួយចំនួនក្នុងការជួយកសាងសាលារៀននេះ។ ខ្ញុំសង្ឃឹមថា ក្មួយៗ និងអ្នកគ្រូនៅទីនេះ និងប្រជាពលរដ្ឋជាពិសេសអាជ្ញាធរនឹងបន្តថែរក្សាសមិទ្ធផលនេះ ដើម្បីជាប្រយោជន៍សាធារណៈសម្រាប់កូនចៅក្មួយៗ និងមនុស្សជំនាន់ក្រោយៗទៀត។

ជាមួយគ្នានេះ ឯកឧត្តម អ៊ុយ សុធាវី បានមានប្រសាសន៍ថា គោលនយោបាយជាអាទិភាពរបសរាជរដ្ឋាភិបាលកម្ពុជា ក្នុងវិស័យអប់រំ គឺ អនុវត្តនូវគោលការណ៍អប់រំសម្រាប់ទាំងអស់គ្នា ដោយធានាឲ្យបានឲ្យសិស្សទាំងអស់អាចចូលរៀនបាន ដោយស្មើភាពគ្នា និងប្រកបដោយគុណភាពខ្ពស់។ ការអប់រំសម្រាប់ទាំងអស់គ្នានេះ ក៏ទាមទារឲ្យមានការផ្តល់នូវអាទិភាពដល់ សិស្សក្រីក្របានចូលរៀនចាប់ពីថ្នាក់បឋមសិក្សាឡើងទៅផងដែរ។ វិស៏យអប់រំ គឺៈជាចំណុចគោលដៅគន្លឹះនៅក្នុងទស្សនវិស័យអភិវឌ្ឍន៍យូរអង្វែងរបស់រាជរដ្ឋាភិបាលកម្ពុជានូវក្នុងការកែលម្អប្រព័ន្ធអប់រំ ដើម្បីឲ្យសេវាអប់រំកាន់តែជ្រាបចូលទៅដល់តំបន់ជនបទដែលពុំមានលទ្ធភាពក្នុងការទទួលបាននូវការអប់រំទូលំទូលាយ និងជាផ្នែកមួយដ៏សំខាន់នៃយុទ្ធ សាស្ត្រកាត់បន្ថយភាពក្រីក្រ។

ឯកឧត្តមបានចាត់ទុកអគារសិក្សាថ្មីនេះ វាពិតជាបម្រើសេចក្តីត្រូវការ និងពីតម្រូវការចាំបាច់ក្នុងការសិក្សារបស់ក្មួយៗនៅទីនេះ និងជាការឆ្លើយតបបានទាន់ពេលវេលាស្របតាមគោលដៅអភិវឌ្ឍន៍សហស្សវត្សកម្ពុជា ក្នុងការលើកស្ទួយវិស័យអប់រំ ដើម្បីការកសាងនូវធនធានមនុស្សប្រកបដោយ សមត្ថភាពគ្រប់គ្រាន់ក្នុងការអភិវឌ្ឍន៍ប្រទេសជាតិលើគ្រប់វិស័យ។ ឯកឧត្តមបានសំណូមពរ និង អំពាវនាវដល់មាតាបិតា និងអាណាព្យាបាលសិស្សត្រូវបន្តយកចិត្តទុកដាក់ក្នុងការជំរុញកូនចៅឲ្យខិតខំប្រឹងប្រែងរៀនសូត្រព្រមទាំងចេះតាមដាននូវការសិក្សារបស់សិស្សនិងកូនៗខ្លួនដោយធ្វើយ៉ាងណាឲ្យបានរៀនចប់ថ្នាក់ទី៩ ស្របតាមកម្ម វិធីអប់រំសំរាប់កុមារ។ ជាមួយគ្នានេះ ឯកឧត្តមបានថ្លែងអំណរគុណដល់ម្ចាស់មូលនីធិដែលជាដៃគូអភិវឌ្ឍន៍ក្នុងខេត្ត និងសហគមន៍អន្តរជាតិ ជាពិសេសសប្បុរសជនផ្ទាល់ តាមរយៈដៃគូនានាកន្លងមក ដើម្បីខិតខំបន្តជួយបន្ថែមទៀតលើវិស័យផ្សេងៗដើម្បីជួយជំរុញដល់ការអភិវឌ្ឍរីកចម្រើននៅក្នុងស្រុកមោងឫស្សី និងបណ្តាស្រុកដទៃទៀតនៅក្នុងខេត្តបាត់ដំបង ៕

ប្រេងសាំង (លីត្រ) Sokimex៣.៨០០៛
ប្រេងម៉ាស៊ូត (លីត្រ) Sokimex៣.៦៥០៛
អង្ករផ្កាម្លិៈ ផ្សារណាត់ (គីឡូក្រាម)៣.៦៥០៛
អង្ករសែនក្រអូប ផ្សារណាត់ (គីឡូក្រាម)៣.៣០០៛
ពោតក្រហមគ្រាប់ ផ្សារទួលតាឯក (គីឡូក្រាម)១.៥០០៛
ពោតសគ្រាប់ ផ្សារទួលតាឯក (គីឡូក្រាម)២.៥០០៛
ម្សៅមី ផ្សារទួលតាឯក (គីឡូរក្រាម)២.៧០០៛
អត្រាប្តូរប្រាក់
រូបិយប័ណ្ណឯកតាទិញ
ដុល្លារអាមេរិចUSD/KHR
ដុល្លារអូស្រ្តាលីAUD/KHR២៧៩៥
ដុល្លារកាណាដាCAD/KHR៣០០៧
ហ្វ្រង់ស្វីសCHF/KHR៤០៣៨
យ៉ន់ចិននៅហុងកុងCNH/KHR៥៨៥
យ៉ន់ចិនCNY/KHR៥៨៦
អ៊ឺរ៉ូEUR/KHR៤៥២៩
ផោនអង់គ្លេសGBP/KHR៥១២៩
ដុល្លារហុងកុងHKD/KHR៥១៦
រ៉ូពីឥណ្ឌូនេស៊ីIDR/KHR១០០០២៨០
ប៉ូលីស117
អគ្គីភ័យ666
សង្គ្រោះ119
H1N1 Hotline012 488 981
012 836 868

PHNOM PENH WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2019

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 18 ម៉ោងមុន