ព្រឹកថ្ងៃសុក្រ ៤រោច ខែកត្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែវិច្ឆិកា ឆ្នាំ២០១៩ លោក ស៊ូ អារ៉ាហ្វាត់ អភិបាលរង នៃគណៈអភិបាលខេត្តបាត់ដំបង ដឹកនាំកិច្ចប្រជុំពិនិត្យវឌ្ឍនភាពគម្រោងសេវាសង្គម ឃុំ សង្កាត់ ឆ្នាំ២០១៩ ដោយមានការអញ្ជើញចូលរួមពី តំណាងក្រសួងមហាផ្ទៃ តំណាងអង្គការ UNICEF អនុប្រធានរតនាគារខេត្ត នាយករងទីចាត់ការផែនការ និងវិនិយោគសាលាខេត្ត និង ប្រធានការិយាល័យផែនការក្រុង ស្រុក។

សូមជម្រាបជូនផងដែរថា កិច្ចនេះពិនិត្យទៅលើរបាយការណ៍រីកចម្រើនលើវឌ្ឍនភាពនៃការវិនិយោគសេវាសង្គមក្នុងផែនការថវិការបស់រដ្ឋបាលស្រុក ក្រុង និងឃុំ សង្កាត់ផងដែរ។