រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

គណៈកម្មាធិការជាតិសុវត្ថិភាពចរាចរណ៍ផ្លូវគោក ប្រជុំត្រួតពិនិត្យ ជំរុញការអនុវត្តច្បាប់ និងសុវត្ថិភាពចរាចរណ៍ផ្លូវគោក នៅសាលាខេត្តបាត់ដំបង

ដោយ Sotheavyចំនួនទស្សនា (865)

ថ្ងៃសុក្រ ១២រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៥ ខែតុលា ឆ្នាំ២០១៩ ឯកឧត្តម នាយកឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ និងជាអនុប្រធានអចិន្ត្រៃយ៍អនុគណកម្មាធិការទី២ នៃក្រុមការងារជំរុញអនុវត្តផែនការសកម្មភាពសុវត្ថិភាពចរាចរណ៍ផ្លូវគោក ដែលទទួលបន្ទុកខេត្តកំពង់ឆ្នាំង ពោធិសាត់ បាត់ដំបង ប៉ៃលិន បន្ទាយមានជ័យ ឧត្តរមានជ័យ និងខេត្តសៀមរាប និងលោក សឿម ប៊ុនរិទ្ធិ អភិបាលរង នៃគណៈអភិបាលខេត្ត និងជាអនុប្រធានអចិន្ត្រៃយ៍អនុគណៈកម្មាធិការសុវត្ថិភាពចរាចរណ៍ផ្លូវគោកខេត្ត អញ្ជើញជាអធិបតីភាពក្នុងកិច្ចប្រជុំតាមដានការអនុវត្តសុវត្ថិភាពចរាចរណ៍ផ្លូវគោកខេត្ត ។

លោក ព្រួញ រិទ្ធថា អនុប្រធានមន្ទីរសាធារណការ និងដឹកជញ្ជូនខេត្តបាត់ដំបង បានអានរបាយការណ៍របស់អនុគណកម្មាធិការសុវត្ថិភាពចរាចរណ៍ផ្លូវគោកខេត្ត រយៈពេល ៩ ខែ ដើមឆ្នាំ២០១៩ បានឱ្យដឹងថាជាលទ្ធផលបានធ្វើការត្រួតពិនិត្យតាមដងផ្លូវ ចំនួន ១៦១ លើក រថយន្តត្រូវបានត្រួតពិនិត្យសរុប ២០.១២១ គ្រឿង នៅក្នុងនោះរថយន្តត្រឹមត្រូវតាមច្បាប់ចំនួន ១០.៧៣៦ គ្រឿង ផងដែរ ។

លោក សឿម ប៊ុនរិទ្ធិ អភិបាលរងខេត្ត បានលើកឡើងថា កន្លងមកអនុគណកម្មាធិការសុវត្ថិភាពចរាចរណ៍ផ្លូវគោកខេត្ត បានធ្វើយុទ្ធនាការរឹតបន្តឹងតាមបណ្តាក្រុង ស្រុកមួយចំនួន ដោយមានការចែកជូននូវឯកសារពាក់ព័ន្ធនឹងច្បាប់ស្តីពីចរាចរណ៍ផ្លូវគោកមួយចំនួន និងបានរៀបចំកម្មវិធីសំណួរ-ចម្លើយ ស្តីពីច្បាប់ចរាចរណ៍ផ្លូវគោកផងដែរ ។

ឯកឧត្តម នាយកឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ បានផ្តាំផ្ញើឱ្យបន្តរឹតបន្តឹតអនុវត្តច្បាប់ចរាចរណ៍ផ្លូវគោក ក្នុងការត្រួតពិនិត្យយានយន្តកែច្នៃខុសច្បាប់ បន្តការកាត់ទ្រុងយានយន្តខុសលក្ខណៈបច្ចេកទេស ការដោះរាន ការផាកពិន័យ ការផ្ទុកទំនិញខុសបច្ចេកទេស ដាក់ភ្លើងបំភ្លឺខុសបច្ចេកទេស ការបកស្កុតខ្មៅលើកញ្ចក់ យានយន្តខ្វះឯកសារ ការគ្មានប័ណ្ណបើកបរ និងបញ្ហាផ្សេងៗទៀតត្រូវបន្តបន្តឹងច្បាប់ចរាចរណ៍ផ្លូវគោកផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 12 ម៉ោងមុន