ថ្ងៃចន្ទ ១រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៤ ខែតុលា ឆ្នាំ២០១៩ លោក សឿម ប៊ុនរិទ្ធិ អភិបាលរងនៃគណៈអភិបាលខេត្តបាត់ដំបង បានដឹកនាំពិភាក្សាគម្រោងតុបតែងគំនូរតំបន់ទេសភាពកម្ពុជា និងវៀតណាម នៃលើជញ្ជាំងរបងស្ថានអគ្គកុងស៊ុលវៀតណាមប្រចាំខេត្តបាត់ដំបង នៅកិច្ចពិភាក្សានេះមានការអញ្ជើញចូលរួមពីតំណាងអគ្គកុងស៊ូលវៀតណាមប្រចាំខេត្តបាត់ដំបង លោកនាយក នាយករងរដ្ឋបាលខេត្ត លោកប្រធានមន្ទីរទេសចរណ៍ខេត្ត លោកប្រធានមន្ទីរវប្បធម៌ និងវិចិត្រសិល្បខេត្ត លោកអភិបាលរងក្រុង និងអ្នកពាក់ព័ន្ធមួយចំនួនទៀត ។

នៅក្នុងនោះដែល លោក សឿម ប៊ុនរិទ្ធិ បានណែនាំដល់ក្រុមការងាររៀបចំគំនូរបង្ហាញទេសភាពនូវតំបន់ទេសចរណ៍ធម្មជាតិមួយចំនួននៅក្នុងខេត្តបាត់ដំបង ដើម្បីដាក់បង្ហាញសាធារណៈជន ជាពិសេសភ្ញៀវជាតិ និងអន្តរជាតិ ដែលមកកំសាន្តនៅក្នុងខេត្តបានទស្សនា និងចង់ទៅលែងកំសាន្តនៅតំបន់ទេសចរណ៍ធម្មជាតិ ដែលខេត្តបាត់ដំបងផងដែរ៕