ថ្ងៃចន្ទ ១ រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៤ ខែតុលា ឆ្នាំ២០១៩ ឯកឧត្តម ងួន រតនៈ អភិបាលខេត្តបាត់ដំបង ជួបសំណេះសំណាល និងថ្លែងអំណរគុណដល់កីឡាករ ឆ័ត្រយន្ត ប៉ារ៉ាម៉ូទ័រ ( Paramotor) ចំនួន ១៧ នាក់ ដែលបានចូលរួមក្នុងពិធីបុណ្យអុំទូកខេត្ត រយៈពេល ២ ថ្ងៃ នៅក្រុងបាត់ដំបង។

ឯកឧត្តម ងួន រតនៈ បានថ្លែងអំណរគុណដល់ក្រុមកីឡាករថៃ ជិះឆ័ត្រយន្ត ប៉ារ៉ាម៉ូទ័រ (Paramotor ) ដែលបានចំណាយពេលវេលាចូលរួមជិះឆ័ត្រយន្ត នៅក្នុងពិធីបុណ្យអុំទូកខេត្ត និងបានបង្កើតការសប្បាយរីករាយជូនដល់ប្រជាពលរដ្ឋទស្សនាកំសាន្ត នៅក្នុងឱកាសបុណ្យអុំទូកខេត្ត ៕