រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម ងួន រតនៈ ជួបសំណេះសំណាល និងជូនដំណើរបងប្អូនប្រជាពលរដ្ឋដែលត្រូវត្រឡប់ទៅរាជធានីភ្នំពេញវិញ តាមរយៈរថយន្តក្រុងរបស់រដ្ឋដោយឥតគិតថ្លៃ នៅចំណតរថយន្តក្រុងផ្សារទំនើបភូ ពុយ ក្រុងបាត់ដំបង

ដោយ Sotheavyចំនួនទស្សនា (144)

នៅព្រឹកព្រលឹមថ្ងៃចន្ទ ២កើត ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣០ ខែកញ្ញា ឆ្នាំ២០១៩ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញជួបសំណេះសំណាល និងជូនដំណើរបងប្អូនប្រជាពលរដ្ឋដែលមកលេងស្រុកកំណើត ក្នុងឱកាសពិធីបុណ្យភ្ជុំបិណ្ឌ ដែលនឹងត្រូវត្រឡប់ទៅរាជធានីភ្នំពេញវិញ តាមរយៈរថយន្តក្រុងសាធារណៈរបស់រដ្ឋដោយឥតគិតថ្លៃ ដែលផ្តល់ដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅចំណតរថយន្តក្រុងផ្សារទំនើប ភួ ពុយ ក្រុងបាត់ដំបង ។

សូមជម្រាបដែរថា ដោយមានការគាំទ្រច្រើនពីបងប្អូនប្រជាពលរដ្ឋ ក្នុងការជិះរថយន្តក្រុងសាធារណៈរបស់រដ្ឋ ដែលផ្តល់ដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា មានចំនួនច្រើន ហើយរថយន្តក្រុងសារធារណៈរបស់រដ្ឋចំននួ១៥គ្រឿង ជិះមិនបានគ្រប់គ្នា ឯកឧត្តម អភិបាល នៃគណៈអភិបាលខេត្តបាត់ដំបង បានជួលរថយន្តក្រុងចំនួន២គ្រឿងបន្ថែមដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋក្នុងការត្រឡប់ទៅរាជធានីភ្នំពេញវិញ។

ក្នុងការជួបសំណេះសំណាល និងជូនដំណើរបងប្អូនប្រជាពលរដ្ឋនាឱកាសនោះផងដែរ ឯកឧត្តម ព្រមទាំងក្រុមការងារ បានផ្តល់ជូនជាអាហារសម្រន់ដល់បងប្អូនប្រជាពលរដ្ឋ ជាអ្នកដំណើរចំនួន ៧៨៥នាក់ មាននំបុ័ង និងទឹកសុទ្ធ ព្រមទាំងផ្តល់ថវិកាឧបត្ថម្ភជូនដល់អ្នកបើកបររថយន្តក្រុង និងក្រុមជាងចំនួន ៣៧នាក់ ដោយក្នុងម្នាកៗថវិកា ៤០,០០០រៀល ។

សូមបញ្ជាក់ដែរថា ក្នុងឱកាសពិធីបុណ្យបិណ្ឌកន្លងមកនេះ រាជរដ្ឋាភិបាកកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានផ្តល់រថយន្តក្រុងដឹកជញ្ជូនសាធារណៈដោយឥតគិតថ្លៃ ចំនួន១២០គ្រឿង ទៅតាមបណ្ដាខេត្តនានាក្នុងព្រះរាជាណាចក្រកម្ពុជា ក្នុងនោះខេត្តបាត់ដំបងមានចំនួន ១៥គ្រឿង ដោយចាប់ពីថ្ងៃទី ២៦ ដល់ថ្ងៃទី៣០ ខែកញ្ញា ឆ្នាំ២០១៩ នេះ ។

មានវីដេអូរខាងក្រោម ៖

វីដេអូរ៖

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2019

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 17 ម៉ោងមុន