រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សាខាកាកបាទក្រហមកម្ពុជាខេត្ត នាំយកថវិកា ១០ លានរៀល ដែលជាអំណោយរបស់សម្តេចអគ្គមហោសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តល់ជូនបុរសគាប់ជាប់ក្នុងរូងភ្នំ

ដោយ Adminចំនួនទស្សនា (494)

ព្រឹកថ្ងៃព្រហស្បតិ៍ ៨កើត ខែស្រាពណ៌ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៨ ខែសីហា ឆ្នាំ២០១៩ ឯកឧត្តម​ងួន រតនៈ ប្រធានកិត្តិយ​សាខា និង​ឯកឧត្តមបណ្ឌិត​ប៊ុត​គឹមស៊ាន​ប្រធានគណៈ​កម្មាធិការ​សាខា​ និងសហការីបានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់ សម្តេចអគ្គមហាសេនាបតីតេជោ​ហ៊ុន​សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​​និងសម្តេចកិត្តិព្រឹទ្ធបណ្ឌិត​ប៊ុន រ៉ា​នី ហ៊ុន​សែន​ ប្រធានកាកបាទក្រហមកម្ពុជា និងសាខាកាកបាទក្រហមកម្ពុជា​ខេត្ត​បាត់ដំបង​ផ្តល់ជូន លោក ​ស៊ុំ បូរ៉ា អាយុ២៨ឆ្នាំ ដែលជាជនរងគ្រោះក្នុងហេតុការជាប់ក្នុងរូងភ្នំ ស្ថិតនៅភូមិ​ក្បាល់ហុងទឹក ឃុំបារាំងធ្លាក់ ស្រុកភ្នំព្រឹក​ខេត្តបាត់ដំបង​ដែលកំពុងសម្រាក់ព្យាបាលនៅមន្ទីរពេទ្យបង្អែក​ខេត្តបាត់ដំបង​។​

ក្នុងឱកាសនោះដែរ ងួន​រតនៈ​និងឯកឧត្តមបណ្ឌិត​ ប៊ុត​ គឹមស៊ាន​​ បានផ្តាំផ្ញើប្រសាសន៍សួរសុខទុក្ខ ផ្ញើក្តីអាណិតអាសូរ និងសោកស្តាយពីសំណាក់សម្តេច​តេជោ និងសម្តេចកិត្តិព្រឹទ្ធបណ្ឌិត ចំពោះឧបទ្ទវហេតុដែលកើតមានឡើងចំពោះលោក ស៊ុំ បូរ៉ា ដែលបានឡើងកើបអាចម៍ប្រចៀវ​ដើម្បីយកទៅលក់យកថវិកាទ្រទង់ជីវភាពគ្រួសារតែអកុសលនៅយប់ថ្ងៃទី០៤ខែសីហាពេលកំពុងកើបអាចម៍ប្រចៀវពិលបំភ្លឺផ្លូវធ្លាក់ចូលក្នុងរូងថ្ម​ពេលកំពុងឱនរើសពិលមិនប្រយត្ន័ក៏រអិលធ្លាក់ជាប់ក្នុងរូងថ្មតែម្តង ​និងបានអំពាវនាវអោយប្រជាពលរដ្ឋទាំងអស់អោយប្រុងប្រយត្ន័កុំអោយកើតមានហេតុអាក្រកដូចខាងលើ។ដោយសេចក្តី​អាណិតអាសូរ​គួរឱ្យសោកសង្វេគនេះ តាមរយៈឯកឧត្តម ងួន រតនៈ និងឯកឧត្តមបណ្ឌិត ប៊ុត គឹមស៊ាន សម្តេចទាំងទ្វេ បានលើកទឹកចិត្តឧបត្ថម្ភនូវថវិកាមួយចំនួន ១០លានរៀលនិងសាខាកាកបាទក្រហមកម្ពុជាខេត្តបាត់ដំបងបានឧបត្ថម្ភគ្រឿងឧបភោគមានដូចជា ៖ ទឹកសុទ្ធវីឃែរ៤កេស ទឹកដោះគោឆៅ២ឡូរិ៍ មុង ​ភួយ ក្រមា​សារុង ត្រីខ​និងថវិកាចំនួន២លានរៀល ផងដែរ។

តបចំពោះគុណូបការៈដ៏ថ្លៃថ្លារបស់ សម្តេចតេជោ​និង សម្តេចកិត្តិព្រឹទ្ធបណ្ឌិត លោក​ស៊ុំ បូរ៉ា ​និងភរិយាក៏បានថ្លែង​អំណរគុណយ៉ាងជ្រាលជ្រៅចំពោះសម្តេចទាំង២ ដែលជានិច្ចកាល តែងតែគិតគូរពីសុខទុក្ខ និងផលលំបាករបស់បងប្អូនប្រជាពលរដ្ឋ ប្រកបដោយទឹកចិត្តមនុស្សធម៌ជានិច្ច ៖គូបញ្ជាក់ថា លោក ​ស៊ុំ​ បូរ៉ា បានជាប់នៅក្នុងថ្មអស់ជាច្រើនថ្ងៃ ពោលគឺតាំងពីថ្ងៃទី០៤ ខែសីហា មកម្ល៉េះ ទើបនៅថ្ងៃទី០៧ ខែសីហានេះ ទើបប្រជាពលរដ្ឋ និងក្រុមគ្រួសារប្រទះឃើញរូបគេជាប់នៅក្នុងថ្ម។លោកស៊ុំ បូរ៉ា អាចនឹងរងគ្រោះថ្នាក់ដល់អាយុជីវិត ប្រសិនបើប្រតិបត្តិការជួយសង្គ្រោះត្រូវបានពន្យារពេលទៀតនោះ។

ដោយឡែកអ្នកជំងឺផ្សេងៗចំនួន៥និងគ្រូពេទ្យប្រចាំការចំនួន៥នាក់ក្នុងម្នាក់ៗទទួលបានសារុង១និងថវិកា១ម៉ឺនរៀលផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2019

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 1 ថ្ងៃមុន