រដ្ឋបាលខេត្តបាត់ដំបង
Battambang Administrationកសិ- ទេសចរណ៍ភូមិ៣( ភូមិវត្តគរ ភូមិកំពង់សីមា ភូមិឈើទាល )
ភូមិវត្តគរគឺជាភូមិគំរូមួយដែលមានលំនៅដ្ឋានបុរាណច្រើនជាងគេ សាងសង់ឡើងអំពីឈើ ដែលមានលក្ខណៈ ស្រស់ស្អាត និងអគារមានលក្ខណៈបង្ហាញនូវទំនៀមទំលាប់រស់អ្នកស្រុក។ ភូមិនេះស្ថិតនៅភូមិវត្ដគរ សង្កាត់វត្ដគរ ក្រុងបាត់ដំបងស្ថិតនៅស្របតាមបណ្ដោយស្ទឹងសង្កែចំងាយប្រមាណជា២គីឡូម៉ែត្រ ឆ្ពោះទៅទិសខាងត្បូងពីទីរួមខេត្ដបាត់ដំបងហើយភ្ចាប់ជាមួយភូមិកំពង់សីមា ភូមិឈើទាលដែលសម្បូរដោយដំណាំកសិកម្ម ។ ភូមិវត្ដគរនេះជាភូមិដែលមានលំនៅដ្ឋានប្រជាជនរស់នៅជាលក្ខណៈខ្មែរនិងមានផ្ទះប្រជាពលរដ្ឋ តាំងពីយូលង់មកហើយ។ ផ្ទះមួយចំនួនបានសង់ឡើងនៅដើមសតវត្សទី២០ ។ រហូតមកដល់សព្វថ្ងៃអ្នកស្រុកបានប្រកាន់ភ្ជាប់នូវទំនៀមទំលាប់ ប្រពៃណីពីបុរាណតរៀងមក។
លក្ខណៈសម្បត្តិៈ
- ទីតាំងអំណោយផល អាចរៀបចំជាផ្លូវថ្មើរជើង និងផ្លូវជិះកង់សម្រាប់កីឡាទេសចរណ៍
- សម្បូរដោយផ្ទះបុរាណដែលជាគោលដៅទាក់ទាញភ្ញៀវដ៏សំខាន់
- ទិដ្ឋភាពដងស្ទឹងដ៏ស្រស់ត្រកាល តាមដងផ្លូវសម្បូរដោយដំណាំចំការដែលជាសក្តានុពល កសិ- ទេសចរណ៍ភូមិ
- លក្ខណះប្រពៃណីដែលប្រជាពលរដ្ឋក្នុងតំបន់បានអភិរក្ស
- ផ្ទះជាច្រើនដែលអាចរៀបចំជាផ្ទះភ្ញៀវបាន
ព័ត៌មានជាប់ទាក់ទង
