ថ្ងៃអាទិត្យ ១៥កើត ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ២០ ខែមករា ឆ្នាំ២០១៩ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញចូលរួមក្នុងពិធីសំណេះសំណាលជាមួយសមាជិក សមាជិកា សហភាពសហព័ន្ធយុវជនកម្ពុជាខេត្តបាត់ដំបង ជាង១០០០នាក់ ក្រោមអធិបតីភាព ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅសាលមជ្ឈមណ្ឌលសុភមង្គល ខេត្តបាត់ដំបង ។
ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានមានប្រសាសន៍ថា "ស.ស.យ.ក. មិនត្រឹមតែជំរុញឲ្យមានការចូលរួមជាសកម្មភាពជាក់ស្តែងក្នុងបុព្វហេតុសង្គមជាតិប៉ុណ្ណោះទេ ប៉ុន្តែថែមទាំងជំរុញឲ្យមានការចែករំលែក។ សម្រាប់គ្រួសារយើង ការចែករំលែកគឺជាគុណធម៌ ការចែករំលែកជាមោទនភាព ហើយការចែករំលែកក៏ជាការអប់រំចិត្ត"
ឯកឧត្តម បានលើកទឹកចិត្តឲ្យសហភាពសហព័ន្ធយុវជនកម្ពុជាខេត្តបាត់ដំបង បន្តពង្រីកសកម្មភាពរបស់ខ្លួន ដើម្បីផ្តល់ជាវេទិកាកាន់តែសំបូរបែបជូនទៅដល់យុវជនយើង ដែលមានចំណង់ចំណូលចិត្ត និងទេពកោសល្យផ្សេងៗគ្នា ក្នុងក្តីសង្ឃឹមថា វេទិកាទាំងនោះនឹងជំរុញឲ្យពួកគេ អាចអភិវឌ្ឍចំណេះ និងជំនាញបានកាន់តែប្រសើរ និងជាពិសេស អាចធ្វើឲ្យសកម្មភាពចូលរួមទាំងនោះ កាន់តែមានអត្ថន័យ និងមានអត្ថប្រយោជន៍ ។
![](http://asset.cambodia.gov.kh/provincial/2019/02/b9EZ9Xx5elNVFArn3sLyEBhh06NsIZx8CnxFrD7m.jpg)
![](http://asset.cambodia.gov.kh/provincial/2019/02/IfQog2ekoxpAwBOAc9yqHFnY1Nnybix0jY1HyYXu.jpg)
![](http://asset.cambodia.gov.kh/provincial/2019/02/S4su1XeLqh97Xid3KCVyjhIzkHjQ4xqPIMMItcdk.jpg)
![](http://asset.cambodia.gov.kh/provincial/2019/02/IQdnfu6JAEy8eWkNejDFQNoClKcAZRj6e0ZZDSEK.jpg)
![](http://asset.cambodia.gov.kh/provincial/2019/02/n6VJo9UkasiLBPc4Ksk5YITLUOkjDaIEVLFV6Ks0.jpg)
![](http://asset.cambodia.gov.kh/provincial/2019/02/3Blt5nraUz1TyDqgCpkF9DZcK7BBJXSqTvIQuSxZ.jpg)
![](http://asset.cambodia.gov.kh/provincial/2019/02/7HFG70pu6cmLzk4SZ9yESQBYV1JjA0oNe7pXKP2x.jpg)
![](http://asset.cambodia.gov.kh/provincial/2019/02/MkhiWONhBrVUwVVpEB8l307Uo8eRFe0tm11eQp55.jpg)
![](http://asset.cambodia.gov.kh/provincial/2019/02/bc37KK4vWYUkVJViWHwv8YRrub1Fqrp2m0IIo3cs.jpg)
![](http://asset.cambodia.gov.kh/provincial/2019/02/L9UghA9e4Pu2E2VKggBIIG3rqRPuLtVLtbADdixf.jpg)