ថ្ងៃអង្គារ៍ ១៥កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃ១៦ ខែកក្កដា ឆ្នាំ២០១៩ លោក ស៊ូ អារ៉ាហ្វាត់ អភិបាលស្តីទីនៃគណៈអភិបាលខេត្ត ទទួលជួបពិភាក្សាជាមួយគណៈប្រតិភូគណៈកម្មការទី៩ នៃរដ្ឋសភា ដែលដឹកនាំដោយលោកជំទាវ ងិន សាផុន ប្រធានគណៈកម្មការ សាធារណៈការ ដឹកជញ្ជូន ទូរគមនាគន៍ ប្រៃសនីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែន នគរូបនីយកម្ម និងសំណង់ នៅសាលាខេត្តបាត់ដំបង ។
ក្នុងកិច្ចពិភាក្សាក៏មានការអញ្ជើញចូលរួមពី ឯកឧត្តមសមាជិកក្រុមប្រឹក្សាខេត្ត លោកនាយក នាយករង រដ្ឋបាលសាលាខេត្ត លោក ប្រធានមន្ទីរ សាធារណការ និងដឹកជញ្ជូនខេត្ត លោកប្រធានមន្ទីររៀបចំដែនដី នគរូបនីកម្ម សំណង់ និងសូរិយោដីខេត្ត លោកប្រធានមន្ទីរពាណិជ្ជកម្មខេត្ត អស់លោក លោកស្រីមន្ទីរ អង្គភាព ជំនាញពាក់ព័ន្ធ ជាច្រើនទៀតអញ្ជើញចូលរួម។
លោក ស៊ូ អារ៉ាហ្វាត់ បានរាយសង្ខេបអំពីលទ្ធផលការងាររបស់រដ្ឋបាលខេត្ត ការផ្តល់សេវាសាធារណៈជូនបងប្អូនប្រជាពលរដ្ឋ ការងារសន្តិសុខ សណ្តាប់ធាប់សាធារណៈ ការងារសាធារណការ និងដឹកជញ្ជូន ការងារប្រៃសនីយ៍ និងទូរគមនាគមន៍ ការងារឧស្សាហកម្ម និងសិប្បកម្ម ការងាររ៉ែ និងថាមពល ការងារពាណិជ្ជកម្ម ការងារសាខាកាំកុងត្រូល និងការងាររបស់មន្ទីររៀបចំដែនដី នគរូបនីកម្ម សំណង់ និងសូរិយោដី ព្រមទាំងលើកឡើងអំពីបញ្ហាប្រឈមមួយចំនួនជូនគណៈប្រតិភូនៃគណៈកម្មការទី៩ នៃរដ្ឋសភា ដើម្បីទទួលជ្រាបផងដែរ៕
