យើងខ្ញុំទាំងអស់គ្នាជាថ្នាក់ដឹកនាំ មន្ត្រីរាជការ កងកម្លាំង និងប្រជាពលរដ្ឋ នៃខេត្តបាត់ដំបង បានយល់យ៉ាងច្បាស់អំពីកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV - DTA ដែលបានផ្តួចផ្តើមឡើងដោយសម្តេចតេជោ ហ៊ុន សែន តាំងពីឆ្នាំ ១៩៩៩ ដែលមានគោលបំណងអភិវឌ្ឍន៍ខេត្តទាំង៤ ឱ្យមានការរីកចម្រើនលើវិស័យសេដ្ឋកិច្ច សង្គម និងវប្បធម៌ និងប្រែក្លាយជាតំបន់ព្រំដែនសន្តិភាព មិត្តភាព និងអភិវឌ្ឍន៍ ។ យើងខ្ញុំទាំងអស់គ្នា ជឿជាក់លើរាជរដ្ឋាភិបាលកម្ពុជា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា ហើយយើងខ្ញុំសូមគាំទ្រយ៉ាងពេញទំហឹងចំពោះកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម CLV-DTA ។