នៅល្ងាចថ្ងៃសុក្រ ៣កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១០ ខែឧសភា ឆ្នាំ២០២៤ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញជួបសំណេះសំណាល និងពិសាអាហារសាមគ្គីដល់ក្រុមអ្នកផ្សព្វផ្សាយ និងផលិតមាតិកាក្នុងខេត្តបាត់ដំបង ដើម្បីថ្លែងអំណរគុណ និងលើកទឹកចិត្តដល់អ្នកបង្កើតមាតិកាទាំងអស់ ដែលបានលើកបង្ហាញពីសក្ដានុពលក្នុងខេត្ត តំបន់ទេសចរណ៍ និងការរីកចម្រើននានានៅក្នុងខេត្តបាត់ដំបង ដែលជាផ្នែកមួយក្នុងការទាក់ទាញអ្នកវិនិយោគ ភ្ញៀវទេចរជាតិ និងអន្តរជាតិចង់មកវិនិយោគ និងលេងកំសាន្ដក្នុងខេត្តបាត់ដំបង ។