រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ពិធីប្រកាសចូលកាន់តំណែងប្រធាន អនុប្រធានមន្ទីរកិច្ចការនារីខេត្តបាត់ដំបង ជំនួសលោកស្រី អោ អៀង ត្រូវបានចូលនិវត្តន៍

ដោយ Sotheavyចំនួនទស្សនា (1.5K)

នាព្រឹកថ្ងៃពុធ ៩រោច ខែជេស្ឋ ឆ្នាំកុរ ឯកស័ក ២៥៦៣ ត្រូវនឹងថ្ងៃទី២៦ ខែមិថុនា ឆ្នាំ២០១៩ លោកជំទាវ ឃឹម ចំរើន រដ្ឋលេខាធិការក្រសួងកិច្ចការនារី ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម ងួន រតន: អភិបាលនៃគណ:អភិបាខេត្ត អញ្ជើញជាអធិបតីភាពពិធីប្រកាសចូលកាន់តំណែងប្រធាន អនុប្រធាន មន្ទីរកិច្ចការនារីខេត្ត។

ពិធីនេះមានអញ្ជើញចូលរួមពីថ្នាក់ដឹកនាំ កងកម្លាំង មន្ទីរ អង្គភាពនានាជុំវិញខេត្ត មន្រ្តីមន្ទីរកិច្ចការនារីខេត្ត បានចូលរួមផងដែរ។

ឯកឧត្តម ងួន រតន: អភិបាលនៃគណៈអភិបាលខេត្ត បានសម្តែងការអបអរសាទរនិងគាំទ្រចំពោះលោកស្រីប្រធានមន្ទីរកិច្ចការនារីដែលតែងតាំងថ្មី ដែលមានប្រធាន ១រូប និងអនុប្រធាន ២រូប នាពេលនេះ និងថ្លែងអំណរគុណដល់លោកស្រីប្រធានមន្ទីរចាស់ត្រូវចូលនិវត្តន៍ផងដែរ បានខិតខំធ្វើការងារជំនាញរបស់ខ្លួនបានល្អរហូតមក ដែលទាក់ទងនឹងការងារស្រ្តី ដោយបានដើរតួនាទីបំរើការងារជាច្រើននៅថ្នាក់ក្រោមជាតិពិសេសបានសហការល្អជាមួយរដ្ឋបាលខេត្តនិង សមត្ថកិច្ចពាក់ព័ន្ធនានាកន្លងមក។

បន្ទាប់ពីអំណានរបាយការណ៍សង្ខេបដោយលោកស្រី វិសុទ្ធ រដ្ឋា អនុប្រធានមន្ទីរកិច្ចការនារីខេត្តស្តីពីសកម្មភាពការងារដែលមន្ទីរំនាញបានអនុវត្តកន្លងមកទទួលបានលទ្ធផលល្អ។

លោកជំទាវ ឃឹម ចំរើន រដ្ឋលេខាធិការក្រសួងកិច្ចការនារី សូមថ្លែងអំណរគុណនិងអបអរសាទរដល់លោកស្រីទាំង ៣រូប ដែលទើបតែងតាំងថ្មី និងត្រូវខិតខំបំរើការងារបន្តវេណទៅថ្ងៃក្រោយទៀត ព្រមទាំងផ្តាំផ្ញើដល់មន្រ្តីកិច្ចការនារីយើងត្រូវមានសាមគ្គីភាពផ្ទៃក្នុងបានល្អ ទើបយើងធ្វើការបានទទួលលទ្ធផលប្រសើឡើងបាន។

លោកជំទាវបានបញ្ជាក់ថា ជំនាញកិច្ចការនារីយើងតែងបានសហការជាមួយស្ថាប័នពាក់ព័ន្ធនូវការងារយិនឌ័រជាច្រើនក៏ដូចជាបានចូលរួមទប់ស្កាត់នូវ អំពើហឹង្សាក្នុងគ្រួសារ ស្រ្តីជួញដូរគ្រឿង ញៀន រំលោភសេពសន្ទវ: និងគ្រោះថ្នាក់ចរាចរណ៍ជាដើម។

លោកជំទាវរដ្ឋលេខាធិការបន្តថា ការប្រកាសចូលកាន់តំណែងនាពេលនេះរួមមាន÷ ១-លោកស្រី ភោគ សុភ័ក្រ ជាប្រធាន ២-លោកស្រី ឈុន ធារិន ជាអនុប្រធាន និង ៣-លោកស្រី គា ថាវី ជាអនុប្រធាននិងបានផ្តាំផ្ញើដល់ថ្នាក់ដឹកនាំនិងមន្រ្តីមន្ទីរកិច្ចការនារីទាំងអស់រួមគ្នាបំរើការងារឲ្យកាន់តែល្អប្រសើរ ដើម្បីលើកស្ទួយនិងអភិវឌ្ឍន៍ស្រ្តីដោយចូលរួមអភិវឌ្ឍន៍ប្រទេសជាតិកាន់តែរីកចំរើនផងដែរ។

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 4 ថ្ងៃមុន