ថ្ងៃចន្ទ ៧រោច ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៤ ខែមិថុនា ឆ្នាំ២០១៩ ឯកឧត្តម ស៊ូ អារ៉ាហ្វាត់ អភិបាលរងនៃគណៈអភិបាលខេត្តបាត់ដំបង តំណាង ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង អញ្ជើញជាអធិបតីភាពក្នុងពិធីសម្ពោធដាក់ឱ្យប្រើប្រាស់អគារសិក្សា ១ ខ្នង មាន ៤ បន្ទប់ ព្រមទាំងក្លោទ្វារ និងដងទងជាតិ នៅសាលាបឋមសិក្សាសេកសក ដែលស្ថិតនៅឃុំផ្លូវមាស ស្រុករតនមណ្ឌល ខេត្តបាត់ដំបង ។
ក្នុងពិធីនេះក៏មានការអញ្ជើញចូលរួម ពីលោកប្រធានមន្ទីរអប់រំ យុវជន និងកីឡាខេត្ត សមាជិកក្រុមប្រឹក្សាស្រុក ក្រុមប្រឹក្សាឃុំ មេឃុំ ភូមិ បងប្អូនប្រជាជន និងសិស្សានុសិស្សជាច្រើនផងដែរ។
សូមជម្រាបជូនអគារសិក្សា និងសមិទ្ធនានា ជាអំណាយរបស់លោក sinichihayashida តាមរយៈអង្គការអភិវឌ្ឍន៍សហគមន៍ ស៊ីអឹមស៊ី (CMC) ជប៉ុន ។
ពិធនេះក៏មានការដាំកូនឈើ និងចែកលិខិតថ្លែងអំណរគុណ ដល់សប្បុរជន និងអង្គការ ដែលចូលរួមកសាងសមិទ្ធផលនានាក្នុងសាលាបឋមសិក្សាសេកសក៕
![](https://asset.cambodia.gov.kh/provincial/2019/06/photo_2019-06-24_11-35-23-768x1024.jpg)
![](https://asset.cambodia.gov.kh/provincial/2019/06/photo_2019-06-24_11-35-35-1024x768.jpg)
![](https://asset.cambodia.gov.kh/provincial/2019/06/photo_2019-06-24_11-35-31-768x1024.jpg)
![](https://asset.cambodia.gov.kh/provincial/2019/06/photo_2019-06-24_11-35-27-768x1024.jpg)
![](https://asset.cambodia.gov.kh/provincial/2019/06/photo_2019-06-24_11-35-28-768x1024.jpg)
![](https://asset.cambodia.gov.kh/provincial/2019/06/photo_2019-06-24_11-35-44-768x1024.jpg)
![](https://asset.cambodia.gov.kh/provincial/2019/06/photo_2019-06-24_11-35-36-1024x768.jpg)
![](https://asset.cambodia.gov.kh/provincial/2019/06/photo_2019-06-24_11-35-32-1024x768.jpg)