ថ្ងៃចន្ទ ៧រោច ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៤ ខែមិថុនា ឆ្នាំ២០១៩ លោក ឆាយ ម៉ាទីណាល់ នាយករដ្ឋបាលសាលាខេត្តបាត់ដំបង តំណាង ឯកឧត្តម ងួន រតនៈ អភិបាលនៃគណៈអភិបាលខេត្ត ចូលរួមរំលែកទុក្ខយ៉ាងក្រៀមក្រំបំផុតចំពោះគ្រួសារនៃសព ដែលបានបាត់បង់ជីវិតក្នុងការបាក់អគារ ៧ ជាន់ នៅក្រុងព្រះសីហនុ ខេត្តព្រះសីហនុ ។
សូមជម្រាបជូនថា៖ លោក ទន់ ប្រុស និងអ្នកស្រី ហួង ចាន់ថា (ប្តីប្រពន្ធ) ដែលមានទីលំនៅបច្ចុប្បន្ន នៅភូមិអូរដា ឃុំបួរ ស្រុកភ្នំព្រឹក ខេត្តបាត់ដំបង បានទទួលមរណភាពក្នុងការបាក់អគារ ៧ ជាន់ នៅក្រុងព្រះសីហនុ កាលពីថ្ងៃទី២២ ខែមិថុនា ឆ្នាំ២០១៩ នេះ ។
លោក ឆាយ ម៉ាទីណាល់ នាយករដ្ឋបាលសាលាខេត្ត នាំយកថវិកាចំនួន ២.៥០០.០០០៛ របស់រដ្ឋបាលខេត្តបាត់ដំបង ដើម្បីចូលរួមរំលែកទុក្ខ និងសោកស្តាយបំផុតចំពោះការបាត់បង់ជីវិតក្នុងឧបហេតុខាងលើនេះ។
ក្នុងនោះក៏មានការអញ្ជើញចូលរួម លោកជំទាវសមាជិកក្រុមប្រឹក្សាខេត្ត លោកនាយករងរដ្ឋបាល លោក លោកស្រី មន្ត្រីរាជការ សាលាខេត្ត និងកងកម្លាំងប្រអាប់ផងដែរ៕
![](https://asset.cambodia.gov.kh/provincial/2019/06/photo_2019-04-27_10-06-48.jpg)
![](https://asset.cambodia.gov.kh/provincial/2019/06/64896374_448667252580838_5043119005183770624_n.jpg)
![](https://asset.cambodia.gov.kh/provincial/2019/06/65486191_448667422580821_6725509393548312576_n.jpg)
![](https://asset.cambodia.gov.kh/provincial/2019/06/64827320_448667222580841_9161530263048552448_n.jpg)
![](https://asset.cambodia.gov.kh/provincial/2019/06/65247606_448667335914163_8802445785644924928_n.jpg)