នៅថ្ងៃសៅរ៍ ៣រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៨ ខែមេសា ឆ្នាំ២០២៣ រដ្ឋបាលខេត្តបាត់ដំបង បានរៀបចំពិធីក្រុងពាលី នៅមុខរូបសំណាកលោកតាដំបូងគ្រញូង និងដើមពោធិ៍ក្នុងសាលាខេត្តបាត់ដំបង ពិធីសូត្រមន្ត បួងសួងសុំសេចក្ដីសុខ និងរាប់បាត្រប្រគេនព្រះសង្ឃចំនួន៨២អង្គ នៅសាលាខេត្តបាត់ដំបង ដើម្បីទទួលអំណរឆ្នាំថ្មី ក្រោមអធិបតីភាព ឯកឧត្តម អ៊ុយ រី ប្រធានក្រុមប្រឹក្សាខេត្ត និងជំទាវ ឯកឧត្តម សុខ លូ អភិបាល នៃគណៈអភិបាលខេត្ត និងលោកជំទាវ ព្រមទាំងមានការអញ្ជើញចូលរួមដោយ ឯកឧត្តម លោកជំទាវសមាជិកក្រុមប្រឹក្សាខេត្ត លោក លោកស្រី អភិបាលរងខេត្ត លោក លោកស្រី ប្រធាន អនុប្រធានមន្ទីរ អង្គភាព និងមន្រ្ដីរាជការមកពីមន្ទីរអង្គភាព និងរដ្ឋបាលខេត្តបាត់ដំបងផងដែរ ៕