រដ្ឋបាលខេត្តបាត់ដំបង

Battambang Administration
ស្វែងរក

ថ្នាក់ដឹកនាំខេត្ត មន្ត្រីរាជការ មន្ទីរអង្គភាពជុំវិញខេត្ត និងសប្បុរសជន អញ្ជើញចុះសួរសុខទុក្ខ កងកម្លាំង ក្នុងភូមិសាស្រ្ដ ស្រុករតនមណ្ឌល និងស្រុកសំឡូត

  • 201
  • ដោយ teavvisal

នៅព្រឹកថ្ងៃព្រហស្បតិ៍ ៩កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី៣០ ខែមីនា ឆ្នាំ២០២៣ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង អញ្ជើញដឹកនាំមន្ត្រីរាជការ មន្ទីរអង្គភាពជុំវិញខេត្ត និងសប្បុរសជនបានអញ្ជើញចុះសំណេះសំណាលសួរសុខទុក្ខកងកម្លាំងដែលឈរជើងនៅតាមបន្ទាត់ព្រំដែនកម្ពុជា-ថៃ ក្នុងភូមិសាស្រ្ដ ស្រុករតនមណ្ឌល និងស្រុកសំឡូតខេត្តបាត់ដំបង រួមមាន ៖

  • កងពលតូចថ្មើរជើងលេខ៥២ ស្រុករតនមណ្ឌល
  • វរៈសេនាតូចនគរបាលការពារព្រំដែនគោកលេខ៣១០ ស្រុកសំឡូត
  • កងការពារព្រំដែនលេខ ៥០២ ស្រុកសំឡូត
  • វរៈសេនាតូចនគរបាលការពារព្រំដែនគោកលេខ ៨២៣ ស្រុកសំឡូត ។
    ក្នុងឱកាសនោះដែរ ឯកឧត្តម សុខ លូ ក៏បាននាំយកអំណោយ របស់រដ្ឋបាលខេត្តបាត់ដំបង មួយចំនួនដូចជា
    -ភេសជ្ជៈចំនួន៣០កេស
    -ទឹកសុទ្ធ៥០កេស
    -នំអន្សមជ្រូក១ស្លឹក
    -សាច់ជ្រូកស្រស់ ៦០គីឡូក្រាម
    -បន្លែស្រស់៥០គីឡូក្រាម
    -ម៉ាស់២០ប្រអប់
    -និងថវិកា៦លានរៀល
    ដើម្បីធ្វើការចែកជូនដល់កងកម្លាំងដែលការពារនៅតាមបន្ទាត់ព្រំដែនកម្ពុជា-ថៃ ។
    សូមជម្រាបផងដែរថា នាពេលរសៀលនេះ និងថ្ងៃស្អែក ថ្នាក់ដឹកនាំខេត្ត មន្ត្រីរាជការ មន្ទីរអង្គភាពជុំវិញខេត្ត នឹងបន្តអញ្ជើញចុះសំណេះសំណាល សួរសុខទុក្ខ កងកម្លាំងដែលឈរជើងនៅតាមខ្សែបន្ទាត់ព្រំដែនគោក ក្នុងភូមិសាស្រ្តស្រុកសំពៅលូន និងស្រុកកំរៀង ក្នុងឱកាសពិធីបុណ្យចូលឆ្នាំថ្មីប្រពៃណីជាតិខាងមុខនេះ ៕

អត្ថបទទាក់ទង