នៅព្រឹកថ្ងៃអង្គារ ៧កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែមីនា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងឯកឧត្តម ស រដ្ឋា ប្រធានសហភាពសហព័ន្ធយុវជនកម្ពុជាខេត្តបាត់ដំបង បានអញ្ជើញដឹកនាំត្រួតពិនិត្យអំពីវឌ្ឍនភាពការងារក្នុងការរៀបចំព្រឹត្តិការណ៍ សង្ក្រាន្ដបាត់ដំបង ២០២៣ នៅសាលប្រជុំអគារE សាលាខេត្តបាត់ដំបង ។
សហភាពសហព័ន្ធយុវជនកម្ពុជាខេត្តបាត់ដំបង សហការជាមួយរដ្ឋបាលខេត្តបាត់ដំបង នឹងធ្វើការរៀបចំសង្រ្កាន្ដបាត់ដំបង២០២៣ ដែលនឹងធ្វើការបើកជាផ្លូវការនៅថ្ងៃទី១២ ខែមេសា ឆ្នាំ២០២៣ ក្រោមអធិបតីភាព សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ ដែលព្រឹត្តិការណ៍នឹងបញ្ចប់នៅថ្ងៃទី១៦ ខែមេសា ឆ្នាំ២០២៣ នៅឯក្រោយរូបសំណាកលោកតាដំបងគ្រញូង។