រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ការចុះកិច្ចព្រមព្រៀងសម្រាប់ការផលិតពជស្រូវវិញ្ញាបនបត្ររវាងក្រុមហ៊ុនបៃតងកម្ពុជា និងសហគមន៍កសិកម្ម ខេត្តបាត់ដំបង

ដោយ Sotheavyចំនួនទស្សនា (2.2K)

រសៀលថ្ងៃព្រហស្បតិ៍ ១២រោច ខែពិសាខ ឆ្នាំកុរ សំរិទ្ធិស័ក ព.ស២៥៦៣ ត្រូវនឹងថ្ងៃទី៣០ ខែឧសភា ឆ្នាំ២០១៩ នៅសាលាខេត្តបាត់ដំបង

ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង ឯកឧត្តម ឧកញ៉ា ភួ ពុយ ប្រធានក្រុមប្រឹក្សាភិបាលនៃក្រុមហ៊ុន បៃតងកម្ពុជា និងឯកឧត្តម កៅ ថាច អគ្គនាយកធនាគារអភិវឌ្ឍន៍ជនបទ (RDB) អញ្ជើញចូលរួមជាអធិបតីក្នុងពិធីការចុះកិច្ចព្រមព្រៀងសម្រាប់ការផលិតពូជស្រូវវិញ្ញាបនបត្ររវាងក្រុមហ៊ុនបៃតងកម្ពុជា និងសហគមន៍កសិកម្ម ។

សូមបញ្ជាក់ថានៅក្នុងខេត្តបាត់ដំបង មានសហគមន៍សហគមន៍កសិកម្មមានចំនួនប្រមាណ ៨០ សហគមន៍ ដោយថ្ងៃនេះ ក្រុមហ៊ុនបៃតងកម្ពុជា បានចុះកិច្ចព្រមព្រៀងជាមួយសហគមន៍កសិកម្មចំនួន ២១ សហគមន៍។

ឯកឧត្តម ឧកញ៉ា ភួ ពុយ បានលើកឡើងថា ក្រុមហ៊ុនបៃតងកម្ពុជាបានរៀបចំក្រុមការងារមួយដើម្បីចុះជួយជំរុញសមាជិកសហគមន៍នៅតាមតំបន់ដែលផលិតស្រូវ និងចុះពិនិត្យថែទាំណែនាំដល់បងប្អូនប្រជាកសិករយើងឱ្យទទួលបានទិន្នផលខ្ពស់។

ឯកឧត្តម ឧកញ៉ា ភួ ពុយ បន្តទៀតថាបងប្អូនប្រជាកសិករចាប់ពី ១០% ភាគទៅ ១៥% ដែលបានប្រើប្រាស់ពូជចេញពីសហគមន៍ផលិតពូន ប៉ុន្តែ ៨០% ទៅ ៨៥% ប្រជាកសិករយើងប្រើប្រាស់ពូជចំណី ដូច្នេះយើងត្រូវធ្វើយ៉ាងដូចម្តេចដើម្បីឱ្យពួកគាត់ងាកមកប្រើប្រាស់ពូជដែលបន្សុតចេញពីសហគមន៍យើង ទាល់ទេប្រធានសហគមន៍មានការចូលរួមឯកភាពគ្នាការផលិតពូជនេះឱ្យបានច្រើន ដើម្បីលក់ចែកចាយទៅប្រជាកសិករយើង ។

ឯកឧត្តម កៅ ថាច អគ្គនាយកធនាគារអភិវឌ្ឍន៍ជនបទ (RDB) បានបញ្ជាក់ការឯកភាពគ្នារវាងតម្លៃស្រូវ និងសូមអបអរសាទរ ដែលបានឈានដល់ការចុះកិច្ចព្រមព្រៀងនាថ្ងៃនេះ ។ ឯកឧត្តម អគ្គនាយកធនាគារអភិវឌ្ឍន៍ជនបទ (RDB) បានជម្រាបជូនអំពីបច្ចេកទេសនៃសម័យបច្ចេកវិទ្យា ក្នុងការព្យាបាលជម្ញឺស្រូវនាសម័យនេះ គឺគ្រាន់តែប្រជាកសិកររបស់ថតនូវស្រូវដែលមានជម្ញឺ បញ្ជូនទៅអ្នកបច្ចេកទេស នឹងដឹងអំពីជម្ញឺនោះ ដោយចំណេញនូវពេលវេលាផងដែរ។

ឯកឧត្តម កៅ ថាច បានបន្តថាកន្លងមកធ្លាប់លេចលឺព័ត៌មានថា ធនាគារអភិវឌ្ឍន៍ជនបទ ឱ្យខ្ខីតែលោកឧកញ៉ាធំមួយចំនួនប៉ុណ្ណោះទេ នេះជាមិនពិតទេ គឺប្រសិនបើសហគមន៍ណាដែលខ្វះដើមទុនអាចធ្វើការខ្ចីពីធនាគារអភិវឌ្ឍន៍ជនបទបាន ។

ឯកឧត្តម ងួន រតនៈ អភិបាលនៃគណៈអភិបាលខេត្ត រីករាយ និងអបអរសាទរចំពោះខេត្តបាត់ដំបងយើង ដែលចាត់ទុកការជាព្រឹតិការណ៍ទី១ ដែលបានបង្កើតការទទួលខុសត្រូវចំពោះអ្នកលក់ និងអ្នកទិញ ព្រមទាំងថ្លែងអំណរគុណចំពោះអ្នកពាក់ព័ន្ធទាំងអស់ដែលសហការណ៍គ្នាយ៉ាងល្អរហូតឈានមកដល់កិច្ចព្រមព្រៀងនេះ ។

ឯកឧត្តមអភិបាលខេត្ត បានផ្តាំផ្ញើដល់សហគមន៍ត្រូវរក្សានិរន្តរភាពសហគមន៍ សាមគ្គីភាពផ្ទៃក្នុង ត្រូវគោរពលក្ខន្តិកសហគមន៍ បទបញ្ជាផ្ទៃក្នុង តម្លាភាព ឱ្យមានចូលរួមសមាជិក និងមានស្មោះស័គ្រនឹងគ្នា។ មានវីដេអូរខាងក្រោម ៖

ប្រភពវីដេអូរ CNC

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 20 ម៉ោងមុន