ព្រឹកថ្ងៃព្រហស្បតិ៍ ១០រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែមីនា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញចូលរួមក្នុង ពិធីបើកការដ្ឋាន ជួសជុលផ្លូវ ក្រាលក្រួសក្រហមមួយខ្សែ ប្រវែង ១០,៨៥០ម៉ែត្រ ទទឹង ៨ម៉ែត្រ ដោយដាក់លូកាត់ផ្លូវចំនួន ១២កន្លែង និងសាងសង់ស្ពានបេតុង ១កន្លែង ប្រវែង៦៣ម៉ែត្រ ទទឹង ៩ម៉ែត្រ ចាប់ពីផ្លូវលេខ ១៥៩C ដល់ផ្លូវលេខ ៥៧B ឆ្លងកាត់ភូមិស្លខ្លាញ់ និងភូមិគោក ឃុំបួវិល ស្រុកបវេល ខេត្តបាត់ដំបង ក្រោមអធិបតីភាព ឯកឧត្តម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ ដែលពិធីនេះប្រារព្ធនៅបរិវេណសាលាបឋមសិក្សា ស្លខ្លាញ់ ឃុំបួវិល ស្រុកបវេល។