នៅរសៀលថ្ងៃអង្គារ ១០កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣១ ខែមករា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញជាអធិបតីភាព ក្នុងវេទិកាភាពជាដៃគូរវាងរដ្ឋបាលខេត្ត និងអង្គការសង្គមស៊ីវិល (លើកទី៦) ដែលមានប្រតិបត្តិការនៅក្នុងខេត្តបាត់ដំបង ដើម្បីរឹតចំណងសាមគ្គីភាពរវាងរដ្ឋបាលខេត្តបាត់ដំបង និងអង្គការសង្គមស៊ីវិល ដែលមានប្រតិបត្តិការក្នុងខេត្ត ក៏ដូចជាដើម្បីលើកជាសំណួរ និងមតិសំណូមដល់រដ្ឋបាលខេត្ត ដើម្បីចូលរួមក្នុងការដោះស្រាយ សម្របសម្រួលបញ្ហាប្រឈមដែលអង្គការសង្គមស៊ីវិលបានជួបប្រទះកន្លងមក ។