នៅរសៀលថ្ងៃព្រហស្បតិ៍ ១៣រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែមករា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញជួប និងប្រជុំពិភាក្សាការងាររវាងរដ្ឋបាលខេត្តបាត់ដំបង ជាមួយប្រតិភូរាជបណ្ឌិត្យសភាកម្ពុជា និងក្រុមហ៊ុន Geoentech.,LTD ដើម្បីពិភាក្សាលើការអភិវឌ្ឍទីលានទុកដាក់សំណល់ និងប្រែក្លាយឧស្ម័នហ្គាសទៅជាថាមពល នៅក្នុងទីលានទុកដាក់កាកសំណល់នៅក្នុងខេត្តបាត់ដំបង ។