នៅរសៀលថ្ងៃពុធ ១២រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៨ ខែមករា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញជាអធិបតីភាព ក្នុងពិធីជួបសំណេះសំណាល និងប្រគល់រង្វាន់ដល់សិស្សនិទ្ទេសA និទ្ទេសB ដែលបានប្រឡប់ជាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ៥ ធ្នូ ២០២២ និងសិស្សទទួលមេដាយជ័យលាភីផ្នែកគណិតវិទ្យា ដោយក្នុងនោះសម្រាប់វិទ្យាល័យអន្តរជាតិ យូ អេស អេ សិស្សនិទ្ទេស A មានចំនួន៦នាក់ សិស្សនិទ្ទេសB មានចំនួន១០នាក់ ។
ឆ្លៀតក្នុងឱកាសនោះដែរ សាលាអន្តរជាតិ យូ អេស អេ ក៏បានធ្វើការឧបត្ថម្ភនូវគ្រឿងឧបភោគបរិភោគមួយចំនួន រួមមាន អង្ករ ៣តោន មី៧០កេស និងទឹកត្រី ទឹកស៊ីអីវ ៧០យួរ ជូនដល់រដ្ឋបាលខេត្តបាត់ដំបង សម្រាប់ប្រើប្រាស់ក្នុងការងារមនុស្សធម៌ ។