រសៀលថ្ងៃព្រហស្បតិ៍ ១៣កើត ខែពិសាខ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី ១៦ ខែឧសភា ឆ្នាំ២០១៩ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានទទួល សម្តែងការគួរសម និងប្រជុំពិភាក្សាការងារជាមួយគណៈប្រតិភូតំបន់ស្វយ័តនីងស៊ែរ នៃសាធារណរដ្ឋប្រជាមានិតចិន ដែលដឹកនាំដោយ ឯកឧត្តម អ៊ូ អុីឆាយ (Wu Yucai) អនុប្រធានគណៈកម្មការកណ្តាល នៃសភាប្រជាជនតំបន់ស្វយ័តនីងស៊ែរ នៃសាធាណរដ្ឋប្រជាមានិតចិន នៅសាលប្រជុំសាលាខេត្តបាត់ដំបង ។
ក្នុងកិច្ចប្រជុំនេះផងដែរ ក៏មានការអញ្ជើញចូលរួមពី ឯកឧត្តម អភិបាលរងខេត្ត លោកនាយក នាយករងរដ្ឋបាលសាលាខេត្ត មន្ទីរ អង្គភាពពាក់ព័ន្ធ ព្រមទាំងមន្ត្រីសាលាខេត្តពាក់ព័ន្ធ បានអញ្ជើញចូលរួម ។
ភាគីទាំងពីបានពិភាក្សាគ្នាដោយផ្តោតសំខាន់ទៅលើ ការអភិវឌ្ឍសេដ្ឋកិច្ច ពាណិជ្ជកម្ម ដោយស្របតាមគោលការណ៍ច្បាប់នៃប្រទេសទាំងពីរ។
ភាគីទាំងបានឯកភាព គ្នាជាគោលការណ៍ ព្រមទាំងចុះហត្ថលេខាលើកំណត់ហេតុរួម ដែលមានខ្លឹមសារដូចខាងក្រាម ៖
១. ពង្រឹងទំនាក់ទំនង និងកិច្ចសហប្រតិបត្តិការទ្វេភាគីលើវិស័យសេដ្ឋកិច្ច កសិកម្ម ពាណិជ្ជកម្ម អប់រំ វប្បធម៌ សុខាភិបាល និងទេសចរណ៍ ដើម្បីផ្តល់ការគាំទ្រលើការអភិវឌ្ឍភាគីទាំងពីរ។
២. ភាគីទាំងពីរ បានព្រមព្រៀងឯកភាពគ្នាចងសម្ព័នមេត្រីភាពក្នុងពេលខាងមុខ និងរាយការណ៍ជូនរាជរដ្ឋាភិបាល និងរដ្ឋាភិបាលរបស់ខ្លួនរៀងៗខ្លួន ដើម្បីទទួលបានការអនុញ្ញាតជាគោលការណ៍ឲ្យរដ្ឋបាលខេត្តបាត់ដំបង នៃព្រះរាជាណាចក្រកម្ពុជា និង តំបន់ស្វយ័តនីងស៊ែរ សាធារណរដ្ឋប្រជាមានិតចិន ឈានទៅចុះហត្ថលេខាលើអនុស្សរណៈនេះ។
បន្ទាប់ពីកិច្ចប្រជុំរួចមក គណៈប្រតិភូ តំបន់ស្វយ័តនីងស៊ែរ បានអញ្ជើញទស្សនាសារមន្ទីររដ្ឋបាលខេត្តបាត់ដំបង និងមន្ទីរពេទ្យបង្អែកខេត្តបាត់ដំបង រួចបន្តដំណើរទៅទស្សនាតំបន់សក្តានុពល ផ្នែកកសិកម្មនៅស្រុកថ្មគោល ខេត្តបាត់ដំបង ។
![](https://asset.cambodia.gov.kh/provincial/2019/05/60343052_1828666743901999_230850188602769408_n.jpg)
![](https://asset.cambodia.gov.kh/provincial/2019/05/60251232_1828666780568662_3720527068111306752_n.jpg)
![](https://asset.cambodia.gov.kh/provincial/2019/05/60354250_1828667023901971_6348475582094770176_n.jpg)
![](https://asset.cambodia.gov.kh/provincial/2019/05/60519799_1828667190568621_5430870267574353920_n.jpg)
![](https://asset.cambodia.gov.kh/provincial/2019/05/60625602_1828667337235273_1269701240183324672_n.jpg)
![](https://asset.cambodia.gov.kh/provincial/2019/05/60296713_1828667403901933_6859737317800673280_n.jpg)
![](https://asset.cambodia.gov.kh/provincial/2019/05/60306667_1828667473901926_1660760340356399104_n.jpg)
![](https://asset.cambodia.gov.kh/provincial/2019/05/60646945_1828667540568586_3781243075154673664_n.jpg)