នៅរសៀលថ្ងៃអង្គារ ១២រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែធ្នូ ឆ្នាំ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបងបានអញ្ជើញដឹកនាំកិច្ចប្រជុំពិភាក្សាវឌ្ឍនភាព ការរៀបចំកម្មវិធីព្រឹត្តិការណ៍ម្ហូបអាហារ និងកម្មវិធីឆ្លងឆ្នាំសកល២០២២-២០២៣ខាងមុខនេះ ដើម្បីធានាថាការរៀបចំដំណើរការកម្មវិធីប្រកបដោយភាពសប្បាយរីករាយ អធិកអធម និងបាននាំយកទស្សនីយភាពប្លែកៗជាច្រើនដល់ភ្ញៀវទេសចរជាតិ និងអន្តរជាតិមកលេងកំសាន្តនាឱកាសនោះប្រកបដោយភាពសប្បាយរីករាយ ។