នៅថ្ងៃអាទិត្យ ១០រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ១៨ ខែធ្នូ ឆ្នាំ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំក្រុមការងារចុះពិនិត្យដោយផ្ទាល់ នូវទីតាំងសម្រាប់ការរៀបចំពិព័រណ៍ម្ហូបអាហារ និងពិធីបុណ្យឆ្លងឆ្នាំសកល ដែលនឹងធ្វើការរៀបចំនៅថ្ងៃទី៣០-៣១ ខែធ្នូ ឆ្នាំ២០២២ខាងមុខនេះ ។
នៅពេលរសៀល ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានបន្តអញ្ជើញដឹកនាំក្រុមការងារចុះពិនិត្យស្ថានភាពនៅតាមដងស្ទឹងសង្កែ ខេត្តបាត់ដំបង ដើម្បីពិនិត្យមើលស្ថានភាពនៃទឹកស្ទឹងសង្កែ ការបំពុលបរិស្ថាន ការរស់នៅរបស់ប្រជាពលរដ្ឋដែលរស់នៅតាមបណ្ដោយដងស្ទឹងសង្កែនេះ ។