នៅរសៀលថ្ងៃថ្ងៃអង្គារ ៥រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែធ្នូ ឆ្នាំ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង អញ្ជើញដឹកនាំកិច្ចប្រជុំ ស្ដីពីការរៀបចំព្រឹត្តិការណ៍ពិព័រណ៍ម្ហូបអាហារ ខេត្តបាត់ដំបង ដើម្បីអបអរសាទរពិធីបុណ្យឆ្លងឆ្នាំសកលឆ្នាំ២០២២-២០២៣ ដែលព្រឹត្តិការណ៍នេះនឹងធ្វើការរៀបចំនៅថ្ងៃទី៣០-៣១ ខែធ្នូ ឆ្នាំ២០២២ ខាងមុខនេះ ។
គោលបំណងនៃព្រឹត្តិការណ៍នេះ គឺដើម្បីធ្វើការបង្ហាញនូវមុខម្ហូបខ្មែរដែលជាមុខម្ហូបអ្នកខេត្តបាត់ដំបង ឱ្យភ្ញៀវទេសចរណ៍ជាតិ និងអន្តរជាតិបានស្គាល់ និងបានភ្លក់នូវមុខខ្មែរជាច្រើនទៀតដែលសុទ្ធសឹងតែជាអាហារដ៏ឈ្ងុយឆ្ងាញ់របស់អ្នកខេត្តបាត់ដំបង ក៏ដូចជាម្ហូបអាហារខ្មែរដ៏ពេញនិយមសម្រាប់ប្រជាជនកម្ពុជា និងជាពិសេសដើម្បីទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាកំសាន្ដនៅខេត្តបាត់ដំបងឱ្យកាន់តែច្រើនកុះករផងដែរ ៕