នៅព្រឹកថ្ងៃចន្ទ ៥កើត ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៨ ខែវិច្ឆិកា ឆ្នាំ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បន្ទាប់ពីធ្វើការចុះត្រួតពិនិត្យ និងវាយតម្លៃវឌ្ឍនភាពនៃការដាំដុះដំណាំស្រូវ នៅស្រុកថ្មគោល និងស្រុកបវេលរួចមក ឯកឧត្តម សុខ លូ ព្រមទាំងសហការី បានបន្តអញ្ជើញចុះត្រួតពិនិត្យដំណើរការសាងសង់ មជ្ឈមណ្ឌល កែ ស៊ីនួន បន្សាប ព្យាបាល និងស្ដារនីតិសម្បទា អ្នកញៀនគ្រឿងញៀន ខេត្តបាត់ដំបង ដែលមានទីតាំងស្ថិតនៅក្នុងស្រុករតនមណ្ឌល ដែលនឹងដាក់ឱ្យប្រើប្រាស់ដំណើរការជាផ្លូវការនាពេលឆាប់ៗខាងមុខនេះ ៕