នៅព្រឹកថ្ងៃព្រហស្បតិ៍ ៩រោច ខែកត្តិក ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី១៧ ខែវិច្ឆិកា ឆ្នាំ២០២២ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល នៃគណៈអភិបាលខេត្ត ព្រមទាំងលោកជំទាវ បានអញ្ជើញចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការនូវអគារសិក្សាមួយខ្នងក្នុងបរិវេណសាលាបឋមសិក្សាបញ្ញា ព្រមទាំងសមិទ្ធផលមួយចំនួនដូចជា ក្លោងទ្វារ ដងទង់ជាតិ និងពិធីចែកអំណោយជាកង់ និងសម្ភារៈសិក្សាផ្សេងៗជូនដល់សិស្សានុស្សិស្ស ចំនួន ២៥០នាក់ ក្នុងសាលាបឋមសិក្សា បញ្ញា ដែលជាអំណោយដ៏ថ្លៃថ្លារបស់សម្តេចក្រឡាហោម ស ខេង និងលោកជំទាវ ស្ថិតក្នុងស្រុកសង្កែ ខេត្តបាត់ដំបង ក្រោមអធិបតីភាព លោកជំទាវ ញ៉ែម សាខន ស ខេង តំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា ព្រមទាំងលោកជំទាវ ៕