នៅរសៀលថ្ងៃសុក្រ ៤កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៨ ខែតុលា ឆ្នាំ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញប្រគល់អំណោយជូនដល់រដ្ឋបាលក្រុង ស្រុកទាំង១៤ ក្នុងខេត្តបាត់ដំបង ដែលជាអំណោយដ៏ថ្លៃថ្លារបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដើម្បីយកទៅធ្វើការចាត់ចែងបន្តក្នុងការរៀបចំជូនប្រជាពលរដ្ឋដែលរងគ្រោះដោយសារទឹកជំនន់កន្លងមក និងប្រជាពលរដ្ឋកំពុងជួបការលំបាកនៅតាមភូមិសាស្រ្ដរបស់ខ្លួន ។
អំណោយដែលប្រគល់ជូននាពេលនេះជាជំហ៊ានដំបូង ក្នុងមួយស្រុកទទួលបាន អង្ករ២០តោន និងមី៥០០កេស ។