រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សម្តេចក្រឡាហោម ស ខេង អញ្ជើញចុះជួបសំណេះសំណាល សួរសុខទុក្ខ និងផ្តល់អំណោយ ដល់ប្រជាពលដ្ឋ រងគ្រោះដោយសារខ្យល់កន្ត្រាក់ចំនួន ២៧៩គ្រួសារ ក្នុងស្រុកថ្មគោល ខេត្តបាត់ដំបង ។

ដោយ Sotheavyចំនួនទស្សនា (575)

ព្រឹកថ្ងៃព្រហស្បតិ៍ ៦រោច ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី ២៥ ខែមេសា ឆ្នាំ២០១៩ សម្តេចក្រឡាហោម ស ខេង នាយករដ្ឋមន្ត្រីស្តីទី នៃរាជរដ្ឋាភិបាលកម្ពុជា បានអញ្ជើញចុះជួបសំណេះសំណាល សួរសុខទុក្ខ និងផ្តលអំណោយ ដល់ប្រជាពលដ្ឋរងគ្រោះដោយសារខ្យល់កន្ត្រាក់ចំនួន២៧៩គ្រួសារ ក្នុងស្រុកថ្មគោល ខេត្តបាត់ដំបង នៅបរិវេណសាលាឃុំជ្រៃ ស្រុកថ្មគោល ។

ពិធីនេះក៏មានការអញ្ជើញចូលរួមពី ឯកឧត្តម លោកជំទាវ សមាជិកព្រឹទ្ធសភា សមាជិករដ្ឋសភាសមាជិករាជរដ្ឋាភិបាល ក្រុមការងារថ្នាក់ជាតិចុះជួយក្រុង ស្រុកទាំង១៤ថ្នាក់ដឹកនាំខេត្ត ស្រុក ឃុំនិងប្រជាពលរដ្ឋរងគ្រោះមកពី៦ឃុំចូលរួមផងដែរ។

សម្តេចនាយករដ្ឋមន្រ្តីស្តីទីបានមានប្រសាសន៍សំណេះសំណាលទៅកាន់ប្រជាពលរដ្ឋថា សម្តេចមានការចូលរួមសោកស្តាយជាខ្លាំង ដែលបងប្អូនយើងបានទទួលរងគ្រោះដោយសារគ្រោះធម្មជាតិគឺខ្យល់កន្រ្តាក់ធ្វើឲ្យខូចខាតផ្ទះប្រជាពលរដ្ឋយើងមួយចំនួននៅក្នុងស្រុកថ្មគោល។ តាមរបាយការណ៍អភិបាលស្រុកថ្មគោលបានបញ្ជាក់ថា ប្រជាពលរដ្ឋដែលរងគ្រោះដោយខ្យល់កន្រ្តាក់កន្លងមកមានចំនួន៦ឃុំក្នុងចំណោម១០ឃុំក្នុងស្រុកថ្មគោលធ្វើឲ្យប៉ះពាល់ផ្ទះប្រជាពលរដ្ឋចំនួន២៧៩គ្រួសារក្នុងនោះមាន២៨គ្រួសារធ្ងន់ធ្ងរដួលរលំទាំងស្រុងនិងរងគ្រោះមធ្យមចំនួន២៥១គ្រួសារ សរុបទាំងអស់មាន២៧៩គ្រួសារ។

សម្តេចបានបញ្ជាក់បន្ថែមថា ផ្ទះប្រជាពលរដ្ឋដែលរងគ្រោះធ្ងន់ធ្ងរដួលរលំផ្ទះទាំងស្រុងចំនួន២៨គ្រួសារត្រូវបានទទួលអំណោយពីសម្តេចក្រឡាហោម ស ខេង មាន ក្នុង១គ្រួសារទទួលបានថវិកា២០ម៉ឺនរៀល សង្កសី២០សន្លឹក ទឹកបរិសុទ្ធ១កែស អង្ករ២៥គីឡូក្រាម មី១កែសនិងប្រជាពលរដ្ឋរងគ្រោះមធ្យមចំនួន២៥១គ្រួសារ បានទទួលអំណោយក្នុង១គ្រួសារទទួលបានថវិកា២០ម៉ឺនរៀល សង្កសី១០សន្លឹកទឹកបរិសុទ្ធ១កែសអង្ករ២៥គីឡូក្រាម មី១កែស។

សម្តេចក៏បានធ្វើការអំពាវនាវដល់កងកម្លាំងគ្រប់ប្រភេទត្រូវសហការជាមួយអាជ្ញាធរមូលដ្ឋានដោយនាំគ្នាចុះជួយជួសជុលផ្ទះប្រជាពលរដ្ឋដែលរងគ្រោះដោយសារខ្យល់កន្រ្តាក់កន្លងមកនិងត្រៀមកម្លាំងជានិច្ចសម្រាប់ចុះជួយឲ្យបានទាន់ពេលវេលា។

គួរ​បញ្ជាក់ថា នៅ​ថ្ងៃទី​២១ និង​២២ ខែមេសា ឆ្នាំ​២០១៩ ខ្យល់ព្យុះ​កន្ត្រាក់ ​បាន​ប៉ះពាល់​ផ្ទះ​ប្រជា​ពលរដ្ឋនៅក្នុង​ស្រុក​ចំនួន​១០ ស្មើនឹង​៨៧៦​ខ្នង ក្នុង​នោះ​ស្រុក​ថ្មគោល​ច្រើនជាងគេ​ និង​បង្ក​ឲ្យ​មាន​ពលរដ្ឋ​រងរបួស​ផងដែរ ​ហើយ​សម្រាប់​ថ្ងៃទី​២៤ ​ខែមេសា ​ក៏មាន​ខ្យល់​កន្ត្រាក់​ចំនួន​៤​ស្រុក​ទៀត ដោយ​ប៉ះពាល់​ផ្ទះ​ពលរដ្ឋ​ចំនួន ១០១​ខ្នង ៕

វីឌីអូរទាំងស្រុង Samdech Krolahom Sar Kheng, Cambodian Deputy Prime Minister

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 13 ម៉ោងមុន