សម្ដេចក្រឡាហោម ស ខេង អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីកាត់ខ្សែបូរ និងចុះក្រាំងមាសសម្ពោធដាក់ឲ្យប្រើប្រាស់អគារសាលាមត្តេយ្យសិក្សា អេឌី និងហ្គាប៊ីនសេន និងពិធីសម្ពោធដាក់ឲ្យប្រើប្រាស់ជាផ្លូវការនូវអគារសិក្សា វិទ្យាល័យ ស ខេង កន្ទឺ២ ស្រុកបាណន់ ខេត្តបាត់ដំបង

នៅព្រឹកថ្ងៃពុធ ៦រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី២៣ ខែមីនា ឆ្នាំ២០២២ ឯកឧត្តម អ៊ុយ រីប្រធានក្រុមប្រឹក្សាខេត្ត និងឯកឧត្តម សុខ លូ អភិបាលខេត្ត អញ្ជើញជាគណៈអធិបតីក្នុងពិធីកាត់ខ្សែបូរ និងចុះក្រាំងមាសសម្ពោធដាក់ឲ្យប្រើប្រាស់អគារសាលាមត្តេយ្យសិក្សា អេឌី និងហ្គាប៊ីនសេនស្ថិតក្នុងភូមិអន្លក់កោង ឃុំឈើទាល ស្រុកបាណន់ និងពិធីសម្ពោធដាក់ឲ្យប្រើប្រាស់ជាផ្លូវការនូវអគារសិក្សា វិទ្យាល័យ ស ខេង កន្ទឺ២ ចំនួន១ខ្នង កម្ពស់២ជាន់ ១២បន្ទប់ និងសមិទ្ធផលនានា ស្ថិតក្នុងភូមិចំការអូរ ឃុំកន្ទឺ២ ស្រុកបាណន់ ខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ ក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលកម្ពុជា ចុះមូលដ្ឋានខេត្តបាត់ដំបង ៕